拉麵達人 (已結業)

自從上年去完大阪，食過日本大大碗，濃濃既湯底，勁抵既拉麵後，一直都想係香港回未返，不過可惜試左3-4間都未感受到... 其實試左3-4次，睇餐牌，睇格局都知邊啲可以一試，邊啲路過就算...今次試呢間係朋友介紹既，先講餐廳環境，細細間，好有日本拉麵店既感覺，有bar台，可惜唔係對住廚房，呢下爭啲，不過整體幾好我選左個黑蒜豚骨湯拉麵，因為我比較鐘意濃啲，我覺得湯底係一碗拉麵既靈魂嚟，湯底都唔靚，碗麵唔駛諗，湯底好濃，漿漿地，好香，有日本9成既感覺呀！啲麵諗諗地，好配合到啲湯呀，豚肉好有咬感，我一啖過食左😂成碗麵我食哂，飲剩少少湯，已經好飽了！ 其實一碗拉麵已經好飽，不過事前唔知，所以叫左個小食，呢個係豬軟骨餃子，可能肉既份量少左，所以我都食左好幾隻，因為太有咬感喇，又爽！去到夜晚都未肚餓，正呀！