影片
更多
2023-04-17
68 瀏覽
《銅鑼灣暗黑色高貴日本菜》୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧今次介紹嘅日本餐廳位於利舞臺廣場，位置非常就腳。餐廳空間感十足，零石質嘅餐枱配上暗黑色嘅色調，盡顯高貴。海膽生蠔 $198如果晚市期間惠顧任何正價食物，就可以用半價$98食六隻生蠔。生蠔法國空運到港，上面放咗新鮮海膽同埋三文魚籽，淡淡海水味同新鮮嘅酸甜，海膽形成強烈嘅對比。火炙左口魚邊壽司左口魚邊用火炙迫出油脂都係常見嘅做法，一啖放入口入口即溶又充滿鮨香。三文魚風味卷同樣用左火炙嘅方式燒香三文魚表面，形成半生熟嘅狀態，再加上三文魚籽做點綴。食落有鮨香味又不失刺身嘅口感。帶子蟹籽沙律軍艦用左新鮮帶子粒，加上蟹籽沙律做調味。帶子粒爽口又鮮甜，蟹籽沙律又有爽脆嘅口感。北海道海鮮釜飯 會提供一個漏斗，待漏斗裡面嘅細沙完全流走，就代表釜飯已經煮熟。打開木質鍋蓋，會聞到海鮮嘅清香。釜飯用咗多款海鮮和配料製作，蟹腳、鰻魚、帶子、三文魚、三文魚子、海膽、香菇、毛豆。飯粒吸收晒海鮮嘅精華，味道非常鮮甜。食完個飯可以倒入熱茶和紫菜片，咁樣又會有另一番嘅體驗。另外佢哋都提供多款串燒，我就試左幾款，分別有燒錦爽雞肉丸串、味噌醬燒黑豚串
《銅鑼灣暗黑色高貴日本菜》
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
今次介紹嘅日本餐廳位於利舞臺廣場，位置非常就腳。餐廳空間感十足，零石質嘅餐枱配上暗黑色嘅色調，盡顯高貴。
海膽生蠔 $198
如果晚市期間惠顧任何正價食物，就可以用半價$98食六隻生蠔。生蠔法國空運到港，上面放咗新鮮海膽同埋三文魚籽，淡淡海水味同新鮮嘅酸甜，海膽形成強烈嘅對比。
火炙左口魚邊壽司
左口魚邊用火炙迫出油脂都係常見嘅做法，一啖放入口入口即溶又充滿鮨香。
三文魚風味卷
同樣用左火炙嘅方式燒香三文魚表面，形成半生熟嘅狀態，再加上三文魚籽做點綴。食落有鮨香味又不失刺身嘅口感。
帶子蟹籽沙律軍艦
用左新鮮帶子粒，加上蟹籽沙律做調味。帶子粒爽口又鮮甜，蟹籽沙律又有爽脆嘅口感。
北海道海鮮釜飯
會提供一個漏斗，待漏斗裡面嘅細沙完全流走，就代表釜飯已經煮熟。打開木質鍋蓋，會聞到海鮮嘅清香。釜飯用咗多款海鮮和配料製作，蟹腳、鰻魚、帶子、三文魚、三文魚子、海膽、香菇、毛豆。飯粒吸收晒海鮮嘅精華，味道非常鮮甜。食完個飯可以倒入熱茶和紫菜片，咁樣又會有另一番嘅體驗。
另外佢哋都提供多款串燒，我就試左幾款，分別有燒錦爽雞肉丸串、味噌醬燒黑豚串和
燒日本青椒串。每一款嘅火候都恰到好處，我自己就最鍾意雞肉丸串，有獨特嘅爽脆口感。
北海道班戟蛋糕
多層嘅班戟蛋糕，充滿蛋香和奶油香，作為一餐最後嘅甜品簡直一流。
最近餐廳做緊優惠，只要消費滿$500，就會獲贈$50現金券，可以逢星期日到四享用晚餐嘅時候使用。
💫人均$250
如果唔想錯過其他好介紹，記得follow我呀😘
多謝大家！！！
୨୧┈┈┈┈┈┈┈┈┈┈┈┈┈┈┈┈┈┈┈┈ ୨୧
張貼
