尚素 (已結業)

放工後同老公去九龍灣工業區附近拎奶粉，聽朋友講果邊有兩三間素食幾正，我就是但揀咗呢間個舖頭名幾得意既(尚素)，店內環境好寬敞，當晚係平日，唔洗等好耐就有位，兩條人叫咗一個燉湯一個翅一個如意珍菌一品鍋一個棗皇糕同一個紅豆麻沙磁，野竹笙雞油菌燉湯味道清，唔會有飲味精湯既感覺，湯內仲有菇菌可以食埋，紅燒竹笙燴素翅味道比燉湯較濃，味道一流呀。如意珍菌一品鍋好足料，有好多唔同既菇菌類係到，多到我都分唔清啲菇菌名，真係啱晒食素同鍾意食菇菌既人。棗皇糕色澤好靚，食落好煙韌，用筷子夾都唔會爛🤣🤣。個紅豆麻沙磁啱啱炸起，好新鮮好脆卜卜，呢間餐廳有咁多正野食，真心推介。