黑木亭居酒屋 (金馬倫道)

平時收工總喜歡跟朋友去居酒屋小酌一番. 行過見到依間新開嘅居酒屋, 當然要試吓! 環境寬敞, 兩排台中間嘅分隔都足夠, 傾計私隱度十足. 芝士鰻魚卷用咗三種食材制作, 將芝士放上鰻魚卷上面, 燒一燒, 再係上面加上蟹籽, 口感層次一流! 磯煮鮑魚, 廚房好細心噤把鮑魚切片, 方便客人食用, 另外值得一讚還有佢地嘅配菜蘿蔔一啲都唔馬虎, 醃得好濃味好好食, 佐酒一流. 蟹肉蟹籽薯仔沙律, 這個真係不得了, 估唔到蟹肉同薯仔沙律係噤夾, 仲係用蟹蓋上碟, 增添美感之餘亦都適合鐘意打卡影相嘅女仕們. 天婦羅都炸得好好, 新鮮油炸, 炸粉薄所以非常鬆脆! 另外一定要推介嘅係冰燒菠蘿, 利申本人係好鐘意食菠蘿但從來唔會食燒菠蘿, 因為總覺得凍和原味菠蘿總比燒後來得新鮮好味. 但依個冰燒菠蘿真係第一次食, 雪到差不多變冰嘅菠蘿再係上面燒一燒. 放入口嗰種冰火感覺真係筆墨難以形容!! 最後提提大家此居酒屋係拿了C類餐廳牌照, 所以可以六人同台, 唔洗分開兩張😏😏