京饌 (已結業)

喺觀塘APM約人食飯其實有時都幾難諗食啲乜嘢，又想坐得舒服，但係個價錢又唔會太貴，真係好難搞。不過自從發現左呢間某集團旗下嘅北京上海嘢，又真係可以滿足到我嘅要求，雖然食物質素屬於正常，冇乜驚喜，不過起碼真係坐得舒服，價錢亦都相宜，就好似尋晚我同兩個朋友去食飯，平均每人$150 ，算係咁啦。我哋叫咗生煎包同埋家常餅，呢兩個差唔多次次都叫，好食，另外有叫咗一啲夏日限定菜式，普普通通啦,最後甜品我哋叫咗高力豆沙，呢個甜品佢哋做得好好食，不過唔知係唔係啲嘢貴左，我覺得尋晚啲餸細碟咗。