桐‧割烹 (亨環‧天后) (已結業)

今天帶女朋友去咗一間新開嘅日本料理，餐廳位於天後港鐵站附近，地點夠曬方便，餐廳裝潢日式木系簡約風，入面有個落地大玻璃，景觀唔錯，對住維港食嘢都感到好舒適。食物方面有刺身、燒物、揚物、卷物、飯團等，我們叫咗幾樣試下。餐前菜 $60✨蓮藕+玉子玉子都有蛋香味，味道甜甜地；蓮藕有醬汁醃制，食落爽口美味。✨北海道海膽 $268海膽好新鮮，味道鮮甜，入口順滑Creamy。✨極上黑松露醬和牛卷 $298未上枱已經聞到陣陣黑松露嘅香味，和牛用上生牛肉，口感好軟嫩，仲帶有牛香，入面仲有軟心芝士，食落味道都好夾。✨牛小排他他燒 $200牛小排經過輕輕炙燒，牛香味出曬嚟，顏色仲好粉嫩，肉質軟嫩，加埋自家制嘅三葉醬醃制味好惹味。✨兵庫縣生蠔 $150生蠔唔算好大只，但勝在夠肥美，肉質鮮嫩，味道甘甜爽口。總結：服務都好滿意，餐廳地點夠方便，食材新鮮，用餐環境都唔錯，更可以欣賞到維港景色嘅日與夜，整體唔錯。