影片
更多
2021-07-21
97 瀏覽
今日老公請食飯，帶左我去QRE Plaza 的Espuma食晚飯。好鐘意Espuma的室內環境好靚，座位寬敞，一點都不逼狹，而且仲有玻璃窗可以邊食邊欣賞窗外的夜景，餐廳除了環境靚之外，連食物擺盤都花了很多心思，令我地又驚又喜，打卡一流。辣味蟹肉撻（$85）賣相好吸引，細細件好精緻，咸點撻第一次食，撻入面有滿滿的菇和蟹肉，撻皮依然脆口，帶點小辣，食到非常濃郁的菇味和鮮甜蟹味，味道好夾，有驚喜。黑白芝麻吞拿魚伴青檸雪葩（$98）吞拿魚半生熟，魚味濃郁，肉質嫩滑，再伴以青檸雪葩，吞拿魚味更突出。龍舌蘭青檸野雞搥（$98）上枱時，侍應會加上龍舌蘭酒上點火，超靚的火焰效果，未食，已經眼睛食先，視覺的效果，雞搥上散發清香的龍舌蘭酒香味道，雞搥夠juicy，味道和口感一流。山水畫（$208）山水畫睇個名都好吸引，可以食得既山水畫，山水畫用上玻璃盛著，裡面有芝士菠菜雞肉卷、雞搥、煙薰蛋、芒果黑糯米飯，芝士菠菜雞肉卷做得非常出色，口感非常嫩滑，另外芒果黑糯米飯，芒果夠甜，糯米飯煙煙韌韌，配埋底下的菠菜汁，好清新又夾。西班牙橡果黑毛豬柳龍蝦汁砂鍋飯（$268）香氣撲鼻，砂鍋飯入面有大量櫻花蝦、魷魚、菇、昆
好鐘意Espuma的室內環境好靚，座位寬敞，一點都不逼狹，而且仲有玻璃窗可以邊食邊欣賞窗外的夜景，餐廳除了環境靚之外，連食物擺盤都花了很多心思，令我地又驚又喜，打卡一流。
辣味蟹肉撻（$85）
賣相好吸引，細細件好精緻，咸點撻第一次食，撻入面有滿滿的菇和蟹肉，撻皮依然脆口，帶點小辣，食到非常濃郁的菇味和鮮甜蟹味，味道好夾，有驚喜。
黑白芝麻吞拿魚伴青檸雪葩（$98）
吞拿魚半生熟，魚味濃郁，肉質嫩滑，再伴以青檸雪葩，吞拿魚味更突出。
龍舌蘭青檸野雞搥（$98）
上枱時，侍應會加上龍舌蘭酒上點火，超靚的火焰效果，未食，已經眼睛食先，視覺的效果，雞搥上散發清香的龍舌蘭酒香味道，雞搥夠juicy，味道和口感一流。
山水畫（$208）
山水畫睇個名都好吸引，可以食得既山水畫，山水畫用上玻璃盛著，裡面有芝士菠菜雞肉卷、雞搥、煙薰蛋、芒果黑糯米飯，芝士菠菜雞肉卷做得非常出色，口感非常嫩滑，另外芒果黑糯米飯，芒果夠甜，糯米飯煙煙韌韌，配埋底下的菠菜汁，好清新又夾。
西班牙橡果黑毛豬柳龍蝦汁砂鍋飯（$268）
香氣撲鼻，砂鍋飯入面有大量櫻花蝦、魷魚、菇、昆布、西班牙橡果黑毛豬柳，比平時食開的豬味更濃郁，飯粒粒粒分明，飯粒吸盡龍蝦汁和配料的精華，口感層次非常豐富，最喜愛的飯蕉，好香口，成個飯都非常鮮味。
脆蛋白綠茶慕絲卷蛋（$88）
成個綠茶的味道好濃郁，外層出面的慕絲好幼滑，中間的卷蛋綠茶味突出，卷蛋口感綿密，而脆蛋白餅在卷蛋上面，脆蛋白餅入口即溶。
焙茶朱古力沖繩黑糖窩夫配雪糕（$138（full))
黎到我地嘩嘩聲，真係堅大個，擺盤非常靚，設計有心思，打卡一流，棉花糖大個個頭，棉花糖粉藍加粉紅，顏色好夢幻，巨型玻璃樽入面裝住8舊窩夫，窩夫用上日本焙茶製作，淡淡的焙茶味道，窩夫外脆鬆軟，除了窩夫，亦有兩球movenpick 雪糕，底下有大量生果和海綿蛋糕，份量十足。
張貼
