Amelia Hong Kong

營業中

休息中

因為朋友之前有海港城coupon，所以我哋就揀咗食依間。當晚雖然係平時日子星期二，但都算多人。幸好我哋之前一早book咗位，所以唔需要等。當晚我哋叫咗三個餸及甜品。巴斯克鱈魚下巴肉、麻辣法國乳鴿、36小時慢煮澳洲和牛牛小排及cheesecake。當前菜巴斯克鱈魚下巴肉到時，真係有驚喜。鱈魚肉係white cream下，食落非常好味，唔腥，亦非常滑。至於個麻辣法國乳鴿亦相當不錯，乳鴿肉唔韌，亦好有味。36小時慢煮澳洲和牛牛小排簡直不得了，牛小排非常腍。我同朋友都食得津津有味，一邊食一邊讚。最後我哋叫咗個cheesecake，味道唔太甜，恰到好處。連我朋友唔係太鍾意食甜品都忍唔住食咗好幾嗒。