影片
更多
2016-12-01
867 瀏覽
之前聽朋友講話天聚圓間嘢幾好食，噚晚去開屯門，諗住返一返以前屋苑附近搵食，一下子去到藍地大街。8點40幾分入到去，個疑似老闆嘅男人只掛住斟酒，望咗兩眼都唔太想理我，企咗入去成分鐘佢先有意欲叫我坐低等，等了又等，成將近五分鐘先有個女侍應話執緊枱，好啦，應該好快嘅，咁多人應該都好食嘅！再等，我入嚟8點50都未夠，我9點10幾分先入到去，入到去先O咀，個場咁多位嘅！！好啦入到去梗係叫嘢食，所有侍應（除了一個紮辮嘅女侍應）都可以當見你唔到，唔落單唔擺枱唔理你，嗰下叫到人嚟都已經又五分幾鐘。叫咗條章紅刺身，3百幾都ok嘅。之後蒸鍋咯，兩個人，叫咗碟海中蝦（6隻）、大癩尿蝦（非特大尿，2隻）、鮑魚（4隻）同扇貝（2隻）先試下。等等等等等，海鮮都上咗，點知未落米做粥底，落咗又唔開爐，咁即係咩意思？海鮮食材係尚可嘅，價錢亦算ok，咁好啦，等個粥嚟食，叫D烤肉食下，d嘢都可以，但個烤蠔，點解唔畀個殼我？落個小錫紙蛋撻兜……都差唔多做完《致命復活》，食下個粥啦，一開個隔，點解D米嘅造型，比水泡飯更硬正立體？叫個侍應嚟加d水同等下先，佢一句車落嚟話我叫得少貝殼类海鮮，唉，唔同見你D蜆唔吐沙，食「沙鍋粥」（正
8點40幾分入到去，個疑似老闆嘅男人只掛住斟酒，望咗兩眼都唔太想理我，企咗入去成分鐘佢先有意欲叫我坐低等，等了又等，成將近五分鐘先有個女侍應話執緊枱，好啦，應該好快嘅，咁多人應該都好食嘅！
再等，我入嚟8點50都未夠，我9點10幾分先入到去，入到去先O咀，個場咁多位嘅！！好啦入到去梗係叫嘢食，所有侍應（除了一個紮辮嘅女侍應）都可以當見你唔到，唔落單唔擺枱唔理你，嗰下叫到人嚟都已經又五分幾鐘。
叫咗條章紅刺身，3百幾都ok嘅。
之後蒸鍋咯，兩個人，叫咗碟海中蝦（6隻）、大癩尿蝦（非特大尿，2隻）、鮑魚（4隻）同扇貝（2隻）先試下。等等等等等，海鮮都上咗，點知未落米做粥底，落咗又唔開爐，咁即係咩意思？
海鮮食材係尚可嘅，價錢亦算ok，咁好啦，等個粥嚟食，叫D烤肉食下，d嘢都可以，但個烤蠔，點解唔畀個殼我？落個小錫紙蛋撻兜……
都差唔多做完《致命復活》，食下個粥啦，一開個隔，點解D米嘅造型，比水泡飯更硬正立體？叫個侍應嚟加d水同等下先，佢一句車落嚟話我叫得少貝殼类海鮮，唉，唔同見你D蜆唔吐沙，食「沙鍋粥」（正寫為「砂鍋粥」）咩？之後加水，加到一半叫佢停，佢就123倒成壼水落去，問佢有無魚露吊下味，無，我諗連雞湯都無……
其實我深信佢個水泵係唔work，無理由咁少水，始終都食過咁多次蒸鍋，我上次喺新蒲崗兩個人只叫咗一隻皇帝蟹，一個鐘未夠個粥已经好綿。
食到嚴重無癮，走，埋單980，我覺得老實嘅，海鮮食材係可以，價亦合理，但如果咁嘅服務，係絶對唔建議大家去！走時同個老闆講叫佢試下其他地方，同埋員工得一個咁，全部都唔係做，佢個款明顯係佢做家坊生意夠……
在此勸大家一句，去咗谷氣，唔係蒸氣！
張貼
