影片
更多
2017-09-07
893 瀏覽
一向都鐘意食日本菜，不論壽司、日式火鍋，抑或日式燒肉我都好鐘意，相信有唔少香港人都同我一樣，當諗唔到食乜，又或者俾女朋友考起嘅時間，答日本菜一定冇死。聽過唔少人推介過呢間燒肉，但睇過又覺得價錢有少少貴，平時食嘅燒肉人均都係三百內，睇過呢度嘅餐牌，應該成不了事。問過食過嘅朋友意見，佢地都建議我可以試下午市，一來價錢又抵啲，二來份量差冇幾，而質素一樣。講到咁吸引，我就決定搵個平日黎試下個lunch餐廳位於希爾頓大廈，我地都花左少少時間先搵到，門面好大，感覺就同一般日式燒肉店差不多，但裡面嘅格調不一樣，大部分位置都係卡座，私隱度高一點，驟眼睇位置都幾多，正值午市，客人唔多，我同朋友都坐得好舒服。面對住卡座，仲有一邊係吧枱，間中都會見到師傅喺度準備食材。同埋一點係，暫時未食過咁好服務嘅燒肉店呢，店員都好細心，特別係帶位嘅女店員，臨走仲好親切同我地道別。希望有機會要帶女朋友黎試下晚市呢午市有多款套餐，價錢豐儉由人，於中午12:55前結賬離座仲有全單9折優惠喔，喺附近番工一定會經常黎囉！講明係燒肉店當然有大量唔同款式嘅肉可以選擇，牛肉眼、牛排肉、牛舌、豬五花、雞腿肉等，套餐包括前菜、沙律、白飯、湯
餐廳位於希爾頓大廈，我地都花左少少時間先搵到，門面好大，感覺就同一般日式燒肉店差不多，但裡面嘅格調不一樣，大部分位置都係卡座，私隱度高一點，驟眼睇位置都幾多，正值午市，客人唔多，我同朋友都坐得好舒服。面對住卡座，仲有一邊係吧枱，間中都會見到師傅喺度準備食材。同埋一點係，暫時未食過咁好服務嘅燒肉店呢，店員都好細心，特別係帶位嘅女店員，臨走仲好親切同我地道別。希望有機會要帶女朋友黎試下晚市呢
午市有多款套餐，價錢豐儉由人，於中午12:55前結賬離座仲有全單9折優惠喔，喺附近番工一定會經常黎囉！
講明係燒肉店當然有大量唔同款式嘅肉可以選擇，牛肉眼、牛排肉、牛舌、豬五花、雞腿肉等，套餐包括前菜、沙律、白飯、湯、咖啡/茶。
唔想燒肉可選壽喜燒、涮涮鍋同其他定食，例如豬肉生薑燒、日式和牛漢堡等。鐘意壽司、魚生亦有刺身飯、壽司拼盤，選擇非常豐富。因為第一次黎，真係花多眼亂，連平時唔係好食牛嘅朋友都大讚吸引，破例點左牛肉。我地一人點左一個餐，同樣附上沙律、前菜、湯。
沙律、前菜：有幾片牛舌，口感嫩腍，好味
湯：一般嘅湯，夠熱唔鹹。
飯：份量適中，一邊燒肉，慢慢食，男士都夠飽。
特選五色和牛定食 $350
三色和牛定食 $250
朋友點嘅五色和牛定食，包括特選三角牛排肉、特選牛排肉、肩眼肉、上牛排肉、牛排肉，超豐富。
至於我點嘅三色和牛定食同朋友果set分別在冇左兩款牛排肉，但都一樣豐富喔，視乎個人預算啦，特選牛嘅質素確實不同。
店員送上定食之時，都有介紹過每款肉，但美食當前，邊個能夠聽得進耳呢，哈哈，我地都急不及待開吃
肩眼肉、上牛排肉、牛排肉係兩款定食都一樣有的，不過始終每塊肉都唔一樣，所以肉嘅形狀、切割都有唔同。
共通點係：各款和牛肉都好精緻而且顏色鮮豔有光澤，油花出眾，級數同平時食開嘅燒肉大相徑庭。
牛排肉牛味濃郁，入口腍身冇筋，而且肥脂唔算好多，送飯一流。
肩眼肉嘅質感非常特別，燒起上黎有明顯筋肉之分，口感超嫩腍，比起牛排肉，我更喜歡肩眼肉啊。
上牛排肉係當中脂肪較多，食落又綿又滑，相對牛味冇咁重，簡直係大滿足
當然啦，點少得偷偷試下朋友嘅兩款特選三角牛排肉同特選牛排肉呢，絕對有驚豔到呀，真係未試過食呢種級數嘅牛肉呢，size就唔算好大片，但入口即溶另外我地都燒埋附上嘅南瓜片、粟米同紅黃椒，其中南瓜帶甜，入口腍，都好味啊。
平時晚市食點會係呢個價位，我能夠喺午市試到，都好味到感動起來，朋友平時唔係好食牛，都完全忍唔到，呢餐人均都三百，但非常值得。冇咩budget試晚市嘅朋友，不妨襯午市一試，不會失望啊
張貼
