小火焰韓式咖啡廳 (觀點中心) (已結業)

之前黎試過二人餐覺得唔錯，本來諗住嚟回味下，原來午市餐都好抵食。韓式煎雜菜蝦餅同平時食開成塊都好香脆嘅煎餅有啲落差，我覺得似蛋餅皮多啲，勝在好足料，有好多隻新鮮蝦，如果可以配韓式醬油就更好喇。凍冰冰忍唔住叫返個湯飯，大醬餃子粉絲鍋就係平時韓劇見到熱辣辣出晒煙嗰種，大醬濃味得黎唔會太咸，逐啖飯撈湯食好爽。 唔小心小食都叫埋餃子，好彩兩款係唔同味，同樣係脹卜卜好足料，食幾隻已經飽飽地。泡菜餃子 (+$10)要讚吓係熱辣辣唔係整定，味道同想像中差唔多，泡菜味好出，肉餡都扎實。脆香牛油雞翼 (+$15)基本上就係呢度散叫炸雞咁嘅質地，可惜牛油味唔係好濃，當係原味炸雞嘅話觀感會fit d。辛辣小杯年糕 (+$10)味道好奇妙地係平時腸粉齊醬嘅混醬味，輕鬆清碟，好夠惹味刺激。