韓舍 (已結業)

哩日放工約左個朋友食飯，做野做到好辛苦係時候慰勞下自己！哩間幾年前食過，覺得好多新奇野試，好少韓燒做埋自助餐，所以再翻兜！一入門，映入眼簾，就係排得整整齊齊既甜品😍對於我哩個甜品怪黎講真係心心眼👍🏻所以我第一round就食甜品！最欣賞係個雞蛋燉蛋，好香蛋味，唔會太甜，又夠滑！其次個朱古力千層蛋糕都好出色，仲以為係opera cake ,點知食落無咖啡味，好濃朱古力味，其他不過不失啦，不過啫喱就真係麻麻，強烈藥水味！食d刺身做前菜先，都算新鮮！到戲肉！款式多，味道醃得唔錯！講得出既款都有，雞翼仲好貼心剪開一半容易熟d!熟食都有好多款，仲有個專人即炸天婦羅，哩個拼盤以蔬菜為主，朵花係炸麵黎架，好脆好新鮮！餐廳有好多部DIY機，首先炒下年糕先，其實接近煎，不過都外脆內軟，加埋韓式辣醬同埋芝士，真係幾好味！然後再試DIY格仔餅機，不過個粉漿有d過杰，整出黎太實唔得鬆化，如果有埋花生醬就更好！同場加映有個清酒自隊區，出面叫一支細清酒都好貴，哩度竟然任飲，不過第二日要番工，都係唔飲喇！飲番老少咸宜既奶蓋紅茶👍🏻總括黎講，哩餐飯係好玩既，因為有好多DIY機，例如章魚小丸子機，炒雪糕機，綿花糖機等等，