新沙洞澡堂 (已結業)

影完相可以大解放啦 😆 今次特登 book 左一直想去嘅新沙洞澡堂食返餐勁嘅 🤤 叫左個韓式豬肉包菜套餐，再加左水冷麵同炸物拼盤，呢個大解放真係超滿足 😍生菜包豬肉配自家製醬汁食韓國野必食嘅生菜包豬肉～ 一整盤超足料好豪華 😍 豬肉少肥香口，生菜新鮮爽甜，最正係佢有普通生菜同紫色生菜，紫色生菜味道偏濃，可以中和豬肉嘅油膩感 👍🏻 自家製醬汁夠辣又惹味，加埋蒜頭同辣椒一齊食，正宗又好味 😋蒜蓉豉油炸雞（半份）龍龍嘅蒜蓉味豉油沾滿左炸雞嘅每一個角落，炸雞夠 juicy 夠脆，配合埋少少蔥，推介 🤩韓式水冷麵呢幾日天氣開始熱，真係好適合食水冷麵 😆 麵質煙靭個湯又有麻油嘅香味，配合埋梨片同埋青瓜絲，自己再加入醋同埋芥末，好 fresh 😋 而且餐廳仲好貼心咁提供埋鉸剪俾你剪麵 👍🏻新沙洞招牌炸物拼盤細份一份已經食到炸餃子、炸蕃薯、炸粉絲、炸芝士棒（拉絲 😍）同埋腸仔年糕串 🤤 全部都熱辣辣又脆口～ 最正係個醬，香鹹微辣勁惹味 😋柚子蘿蔔、泡菜最鐘意食韓國嘅前菜 😆 柚子蘿蔔酸酸地又有柚香，勁開胃 🤤 泡菜唔會話好辣，但夠香，我直頭擺埋佢入去生菜豬肉包度食 😍韓式牛角窩夫 - 法式焦糖燉蛋最近