香香宮煮 (金輝大廈)

營業中

休息中

晚市終於都開返，終於可以出去打邊爐做好準備訂咗位上到嚟唔駛等就可以入座餐廳嘅裝修玩味十足，喺仿宮廷嘅設計，門口仲有個打卡位，可以着起龍袍扮太子😂佢哋嘅餐具同埋嘢食嘅擺盤都非常誇張，打卡一流🤭一坐低就有個九宮格調味盤，揀晒自己鍾意嘅調味料，我就鍾意炸蒜、蔥同埋芝麻，其他醬料就唔係我杯茶啦😂👉🏻建寧公主:特色卜卜蜆鍋 $198上枱睇見佢嘅份量都覺得幾誇張，入邊有唐芹芫荽同埋芽菜，鍾意食呢啲配菜嘅一定唔會失望，佢哋嘅湯底有少少辣， 卜卜蜆又夠鮮甜。除咗呢個鍋底之外，佢哋仲有花膠雞或者椰子雞湯，都非常吸引👉🏻牛舌片 $128第一次用牛舌片嚟打邊爐，食落爽爽地嘅牛舌片又有油香又爽口👉🏻手切本地牛肉（大）$348牛肉淋身肉味濃，而且佢哋仲有好多唔同牛肉嘅種類揀。👉🏻蟶子皇$188味道鮮甜口感又爽脆😋👉🏻即炸響鈴 $78骰仔的關係，上枱就熱辣辣，就咁咬落去都非常鬆脆，如果浸湯食就可以食到卜卜蜆湯嘅鮮味👉🏻竹笙 $78無論食米線或者打邊爐，竹笙都係好選擇，竹笙仲會吸晒湯底嘅精華，非常之好味👉🏻手打蟹鮮蝦丸 (四粒) $68爽口彈牙，咬落去仲有粒粒嘅蝦肉店員其實都非常貼心，間唔中就睇吓會唔會要加湯。