影片
更多
2018-03-15
307 瀏覽
今日有個係我中三就移民左去美國嘅朋友返左黎香港，有個姊妹就提議去呢間"名館Ming Bristro"，話個個同事食完都推薦喎，我哋四個姊妹花就即管試下佢嘅真面目。地方都算容易搵，係擺花街附近，地面搭𨋢就去到啦。入到去好似去左後門咁，原來係有個正門係另一到嘅哈哈！唔緊要，我哋book左七點鐘，好彩都未算多人，無咩人睇到我哋"lor"左！地方好寬敞，藍白色嘅報置最啱我歡心，令人感覺好舒服，仲有一一幅仲點嘅"蒸籠牆"，上面全部都係蒸籠，中間個幅係特別有啲唔同色嘅，我哋幾個係到討論嘅時候，侍應就好nice咁走過黎同我哋講，原來內藏玄機嘅。。。係某一個特定嘅點睇，就會見到個人樣㗎啦！貫徹名館fusion嘅本色，枱上面嘅碗每一個都有唔同嘅言語架，咁樣不特只，連一般中菜館會俾嘅濕紙巾都會令人想入非非。。。點菜方面，就好似普通茶樓咁有張點心紙俾我哋剔嘅，唔知食咩好嘅情況下，當然就係睇下其他枱食咩啦！！！本身諗住嗌個個鍋嘅，但係朋友話想食多啲唔同嘅野，所以我地嘅是日餐單有：湯： 天山雪蓮燉海星（＄88）------我個移民朋友話好內無飲過湯嘅關係所以我哋就嗌左呢個seems to be好補身嘅湯啦，上菜
地方都算容易搵，係擺花街附近，地面搭𨋢就去到啦。入到去好似去左後門咁，原來係有個正門係另一到嘅哈哈！唔緊要，我哋book左七點鐘，好彩都未算多人，無咩人睇到我哋"lor"左！
地方好寬敞，藍白色嘅報置最啱我歡心，令人感覺好舒服，仲有一一幅仲點嘅"蒸籠牆"，上面全部都係蒸籠，中間個幅係特別有啲唔同色嘅，我哋幾個係到討論嘅時候，侍應就好nice咁走過黎同我哋講，原來內藏玄機嘅。。。係某一個特定嘅點睇，就會見到個人樣㗎啦！貫徹名館fusion嘅本色，枱上面嘅碗每一個都有唔同嘅言語架，咁樣不特只，連一般中菜館會俾嘅濕紙巾都會令人想入非非。。。
點菜方面，就好似普通茶樓咁有張點心紙俾我哋剔嘅，唔知食咩好嘅情況下，當然就係睇下其他枱食咩啦！！！本身諗住嗌個個鍋嘅，但係朋友話想食多啲唔同嘅野，所以我地嘅是日餐單有：
湯： 天山雪蓮燉海星（＄88）
------我個移民朋友話好內無飲過湯嘅關係所以我哋就嗌左呢個seems to be好補身嘅湯啦，上菜時好似我爸爸平時係屋企飲茶咁，每人有一個細杯仔，逐啖逐啖咁dep，估唔到盅仔細細小，又會咁鮮味喎！入面都唔馬夫架，俾足料，有雞肉同埋一一塊好似豬皮嘅野，原來係海星。我哋飲原之後再斟，啲湯仲keep到溫度。
前菜： 欖角肉鬆蒸秋葵（＄68）
------見到好多人都有點呢個，本身自己係唔食秋葵嘅，奈何同朋友二比二之下，都嗌左。。。上面黑色嘅係欖角，環掂都嗌左，咁就頂硬上試下啦，我夾左好多欖角去嘗試蓋過啲滑sarn sarn嘅感覺，夾嘅時候已經見到啲秋葵"汁"，食落去係有啲口水feel嘅，但係同欖角嘅味都幾夾，唔計佢嘅"口感"，味道方面係好食嘅！
點心： 鮮肉一口小籠包（＄68），鮮蝦金魚餃（＄58）同老鼠愛大米（＄48）
------首先要講下個蒸籠，同平時出面啲酒樓唔同架，呢度個啲係六角形嘅，可以砌到貼住大家，比較慳位。小籠包啲汁都算鮮味，不過可以再熱小小。其他嘅兩個點心會比較有特色啲，鮮蝦金魚餃同老鼠愛大米外型好可愛，前者其實係蝦餃，後者係外面糯米入面就好似鹹水角啲餡咁，如果外皮無咁厚就好啦，如果唔係食完一個都嘅飽。要注意呢兩個點心係特三粒架咋，所以我同朋友就要分一半啦！
飯： 和風櫻花蝦炒飯（＄118）
------櫻花蝦甫滿成個飯，唔會好似出面個啲整係小小咁係中間做裝飾色香都有啦，入面有埋豆豆粒同粟米粒，食落去每一啖都有櫻花蝦嘅鮮味，好香時亦唔會太鹹。除此以外佢個分量都好多，四個女仔都夠食！
真正嘅"餸"哈哈： 蜂蜜柚子蝦球（＄88）同霸王辣子雞丁（＄138）
------蜂蜜柚子蝦球上菜時好日本feel架，好似拎住個筐咁。炸得好金黃色，啖啖肉我最愛！而且真係有柚子片係面架，甜甜酸酸好海胃。霸王辣子雞丁真係連個碟都係雞嘅做型，見到成碟野鋪滿紅色嘅辣椒，本來都唔係太咁食，不過食落其實唔係太辣，反而係有種香嘅麻辣味，好香口好惹味，會越食越想食！
甜品： 詐糊（＄68）
------網上面成日見到FB同IG有人影低呢個甜品，我哋都唔執輸要order個黎試下啦！上面白色嘅係椰汁糕，以後面就有小小桂花糕。桂花糕好香好多料，就算成粒連埋椰汁糕一齊食都有淡淡嘅桂花味。上面嘅中發白係好似米紙咁嘅，連人民幣同美金都食得架！
最後都要提一提佢地嘅蕎麥茶（茶介每一位＄15），每一次侍應們走過黎同我哋加水嘅時候我都好surprise，有邊一間餐廳會用上成半樽蕎麥黎沖茶架，令到啲茶好重蕎麥味，好潤喉。埋完單時見到佢有個牌，完來啲蕎麥茶有得賣架！正！
張貼
