吉野家 (已結業)

由於趕時間，就一出港鐵站搵野食，諗住食個快飯。二話不說叫了溫泉玉子牛肉飯，隻蛋賣相都幾靚仔，蛋白裡透黃，用黎撈飯真係幾適合，蛋黃係流心既，混合埋牛肉汁係幾有味道，口感滑身之外，配合蛋白既半透明狀態係呢碗飯既賣點。而牛肉係肥牛，脂肪都唔算多，牛肉份量唔少，肉身唔算鞋，但係無咩驚喜，只係配牛肉汁送飯。另外附送碗麵鼔湯，明顯係沖劑，誠意欠缺，得一塊海帶，有待改善。