吉野家 (已結業)

今日晏晝喺中環食lunch，成個IFC mall要又平又快又抵就只係得幾間揀，吉野家就係其中之一喇。佢嘅位置喺正出閘機出面，佢間餐廳就只有外賣冇得堂食，而且一律用八達通俾錢，所以成個買外賣嘅流程都好快、好方便。我就order咗佢嘅牛肉溫泉玉子飯，仲送可樂或者綠茶。佢啲牛肉汁就出晒名香㗎喇，的牛肉都算唔錯，以50蚊嘅價錢算係中上。最重要係佢送埋嘢飲，咁就可以食到個又平又快又抵嘅lunch啦，very good!

今日lunch time個會開到好晏，開完已經差唔多1:15pm, 好彩大少都忙，佢等埋我食飯。我哋快快脆脆去咗吉野家。我叫咗個細嘅和風牛肉飯，大少就叫咗個咖喱牛肉飯。雖然係快餐一個，今次寫食評，純粹係想記下我同大少嘅快樂回憶。

吉野家係一間好食而且唔會食厭既餐廳下午茶餐好抵食 仲可以揀食烏冬/米粉個米粉好正正 食落係爽口下午茶好多set選擇 份量正好fit到我唔會大盒到食唔晒兼浪費(午餐的份量每次也吃剩)

由於趕時間，就一出港鐵站搵野食，諗住食個快飯。二話不說叫了溫泉玉子牛肉飯，隻蛋賣相都幾靚仔，蛋白裡透黃，用黎撈飯真係幾適合，蛋黃係流心既，混合埋牛肉汁係幾有味道，口感滑身之外，配合蛋白既半透明狀態係呢碗飯既賣點。而牛肉係肥牛，脂肪都唔算多，牛肉份量唔少，肉身唔算鞋，但係無咩驚喜，只係配牛肉汁送飯。另外附送碗麵鼔湯，明顯係沖劑，誠意欠缺，得一塊海帶，有待改善。

每次經過香港站都會聞到一浸好香嘅牛肉味，令到人哋好肚餓，今次經過香港站出閘，飯癮起就去到呢一間吉野家。因為我同我同事都未食飯所以我就幫佢買埋，行到去個counter度，我話要兩個牛肉飯餐飲百事light ，另外要加牛肉汁。一邊開手機WhatsApp，一邊留意下個鋪面其實都幾乾淨，同埋所有員工做嘢都好快手快腳～果然好適合去中環呢個地方度生存。一分鐘都唔使佢哋就執好晒俾我，然後我有呢一間吉野家行返公司需要十分鐘時間，返到去公司馬上開來食，都仲係好熱，牛肉好正好正好惹味，我真係覺得吉野家嘅牛肉同出面嘅真係好唔同，縱使出面都有一啲同類型嘅日式牛肉飯，感覺始終都唔夠吉野家好，吉野家牛肉嘅級數都好高級！同埋個汁亦都係出邊嘅餐廳模仿唔到。我記得我想一次去日本旅行我都好想食日本嘅吉野家不過冇機會食！我真係好感恩呢個世界上有吉野家呢一種連鎖餐廳！

記得在五年前，有一段時間我是超瘋愛吃「吉野家」的牛肉及煎雞飯。在平日2PM時候，細的雞飯或牛肉飯套餐只賣＄19。時移勢易，今天再到「吉野家」幫襯牛肉飯加溫泉玉子，已漲價至$37.8。味道十年如一日，都是好吃的，牛肉依舊軟腍惹味，玉子也夠滑溜。尾指一算，牛肉飯大約每年漲價15﹪。。。我們打工仔的加薪程度能追得上嗎？！

在 6 月尾，經過中環 IFC 出面，有位吉野家店員派傳單給我！不妨拿來看看！ 原來在 5 月中旬香港站開了分店！那麼！星期六走來幫襯！由 IFC <Godiva> 落兩層扶手電梯，經 <原味家作>、<大家樂>、<天下立食壽司> ，隔離便是 <吉野家>！舖位細小，以外賣為主，堂食的話，只有兩張高桌！<吉野家> 貫徹以鮮橙色為主，令人零舍醒神！店內企理衛生！整整齊齊！期間！店經理不斷罵那位較成熟的女店員，聽起來很煩！認真趕客！ 當食客食完，年輕的女店員會收走外賣餐具。早餐：由 $15.5 ~ $21.5 ，有烏冬、麵、米粉、飯、奄列餐配日本茶。非常抵食！海苔炒蛋 + 和風牛肉 + 迷你米粉 $19.5海苔炒蛋 - 混合粟米、火腿粒一起炒，炒蛋嫰滑之餘，食起來更滋味！ 海苔可吸收多餘的油份，感覺不太油膩及飽餾！真討好！ 和風牛肉 - 軟腍富肉汁！水準依然！米粉 - 是即時煮！口感爽滑！ 份量算幾多！不算迷你！湯底清而無油又夠味！熱檸檬水 + $2有3 塊厚厚的檸檬，認真慷慨！ 朝早飲檸檬水，可以