牛極 (馬頭圍道) (已結業)

今日難得放假想獨食好西得黎又想平靚正就target左呢一間新開既牛扒專門店！按自己喜好選擇肉類同質量，自助付款後就可以按排入座。牛肩扒石燒板經燒熱後加入外熟內生既牛肩扒係石燒板上加熟，上枱時仲聽到石燒板被烘熟到發出滋滋聲既牛肩扒。長型既牛肩扒肉質十分軟腍同時都帶住牛排嚼勁，雖然中間帶少少筋但都唔會太影響總體質感。牛味濃郁帶住牛香味.牛肩脂肪含量較少所以食落唔會肥膩相對較健康.以牛肩扒配上吧枱放題提供沙律，餐湯，飯同各款醬料。白飯亦提供紫菜飯素增加味道。沙律菜亦可以選擇芝麻醬或日本沙律醋，清爽開胃。