影片
更多
2021-04-24
835 瀏覽
今日幫朋友攞份文件落金鐘，之後約埋老公一齊去太古廣場行下。有人提議先到附近找個地方食晏，再去 Shopping，喺遠東金融中心搵到間新開嘅台式餐廳。店舖的名字好有氣質「仙味凡香」，超凡脫俗、十分優雅。餐廳嘅地方雖然不大，只有約 10 個座位，但佈置得溫馨休閒，色調柔和舒服，而且店內設有兩排橫放嘅餐檯，讓每位客人都有足夠嘅私人空間用餐。見到每張檯前面都有部點餐機，原來客人可以選擇自助落單，然後透過電子錢包付款，職員隨後就會將食物送上，過程既快捷又可以減少身體接觸，衛生方便。我哋點咗碗招牌紅燒牛肉湯麵，另外再加咗兩份滷水雙拼同飲品。招牌紅燒牛肉湯麵 ($78)：湯底用上牛骨同超過十多種香料，經長時間熬製，味道柔順甘甜，入口不搶不膩。牛𦟌切成厚片，食落好有口感，入味鬆化，富鮮肉香。牛筋有別於一般膠質口感，爽脆彈牙。麵底可選細麵或粿條，粿條質地煙韌，帶天然的麵粉香。至於滷水雙拼就揀咗雞翼 ($45) 同 滷水豬腩肉 ($50)，每份都配有一隻滷水蛋。滷水雞翼大大隻，肉質非常嫩滑，食落有滷水香氣；而滷水蛋亦軟硬度適中，入口富蛋香。豬腩肉肥瘦比例啱啱好，滷水味完全滲曬入腩肉內，入口啖啖肉。餐廳嘅飲
店舖的名字好有氣質「仙味凡香」，超凡脫俗、十分優雅。
餐廳嘅地方雖然不大，只有約 10 個座位，但佈置得溫馨休閒，色調柔和舒服，而且店內設有兩排橫放嘅餐檯，讓每位客人都有足夠嘅私人空間用餐。
見到每張檯前面都有部點餐機，原來客人可以選擇自助落單，然後透過電子錢包付款，職員隨後就會將食物送上，過程既快捷又可以減少身體接觸，衛生方便。
我哋點咗碗招牌紅燒牛肉湯麵，另外再加咗兩份滷水雙拼同飲品。
招牌紅燒牛肉湯麵 ($78)：湯底用上牛骨同超過十多種香料，經長時間熬製，味道柔順甘甜，入口不搶不膩。牛𦟌切成厚片，食落好有口感，入味鬆化，富鮮肉香。牛筋有別於一般膠質口感，爽脆彈牙。麵底可選細麵或粿條，粿條質地煙韌，帶天然的麵粉香。
至於滷水雙拼就揀咗雞翼 ($45) 同 滷水豬腩肉 ($50)，每份都配有一隻滷水蛋。滷水雞翼大大隻，肉質非常嫩滑，食落有滷水香氣；而滷水蛋亦軟硬度適中，入口富蛋香。
豬腩肉肥瘦比例啱啱好，滷水味完全滲曬入腩肉內，入口啖啖肉。
餐廳嘅飲品選擇好豐富，有好多個唔同嘅系列，我哋點咗杯凍琥珀珍珠奶茶 (+$15)，大大杯、份量十足，茶味突出之餘，珍珠又夠煙韌，味道唔錯。
張貼
