貓喵堡 (已搬遷) 新店位置

相信大家嚟呢間餐廳都係為咗貓貓而唔係為咗食飯。佢同普通的猫咖唔同，佢冇收入場費，亦唔係斷鐘計。一入到門口店員會立即為你消毒，同埋店員姐姐仲好好咁介紹每隻貓。食物方面唔錯嫁，份量都足夠。⭐️星洲海鮮炒銀針粉炒銀針粉啲海鮮都多，唔會食到最尾冇餸食，夠惹味。午餐套餐包一杯嘢飲，有柚子蜜桂花蜜紅棗茶比你揀。我揀咗桂花蜜，甜度適中有好香嘅桂花味，可惜係熱飲就當養生啦。⭐️原味玉子燒玉子燒蛋香味十足，唔會煮得過熟，入邊仲有少少蛋汁。本來嚟呢度係為咗專登為咗摸貓嘅，但估唔到食物方面都幾有驚喜質素唔差，所以推薦各位貓奴到嚟呢間餐廳試吓啦！