30
0
0
港鐵尖沙咀/尖東站 P3 出口, 步行約3分鐘
繼續閱讀
電話號碼
62512147
附加資料
只招待會員，每位最低消費HK$80，只收現金。顧客入內前需要脫鞋，請務必穿著襪子來。
營業時間
星期一
全日休息
星期二至日
12:30 - 20:30
公眾假期
12:30 - 20:30
公眾假期前夕
12:30 - 20:30
以上資料只供參考, 請與餐廳確認詳情
招牌菜
哈囉，食友們！啱啱去咗間Cafe食咗餐真係舒心得嚟放鬆過癮，俾你哋講下我嘅發現啦！首先，店內啲貓貓真係乖到爆燈，你伸隻手出去，佢地就黎撒嬌，咁又點忍得住唔同佢地玩下呢😻？當然，食物都系重點啦。講真，佢地個雞翼，啖啖肉嘅，一啖咬落去嗰種嘅咸香同埋香脆真系撲鼻而來，夠哂味㗎嘞！再嚟，蝦多士係我心頭好，那個香脆又唔油膩，真係食落去就停唔到口😋！而家講下個燉雪梨啦，呢個真系有得讚㗎！飲一啖，清喉潤肺，甜甜地啱哂甜品控。每次品嚐呢啲手作暖心小吃，都会有種被照顧到嘅感覺，係呢，店員服務好貼心，有問有答，完全唔使你叫嚟叫去嘅💁♂️。另外一讚就係佢地幫貓星人搵家嘅用心良苦，睇得出來呢度唔單止盡力提供好味道，仲滿載善心。間間Cafe可以做到咁，真系值得支持！下次有空我一定仲會返嚟，不過下次記得要食返個芝士玉子燒先得啊，見人地食嗰陣口水都流咗一地喇！🤤 讚好讚得意！
繼續閱讀
15.6.2020咁大個人都未去過貓cafe...當然係唔簡單。難得有人提議，一行人嚟到位於尖沙咀嘅貓喵堡食晏。雖然位於一幢唔起眼嘅大廈，但地方寬敞，而且非常整潔，睇得出主理人對環境嘅堅持。是日推介就寫喺白板，當然都有普通menu 可以揀。要咗杯cappucino, 糖罐係貓仔樣，非常可愛。另一杯係芝麻鮮奶，大大杯又味道討好。是日精選嘅醉香杞子雞扒飯，調味稍淡，但賣相好好。串燒雞肉棒非常香口。牛柳意粉也不錯。
繼續閱讀
這天跟幾個朋友敘會，有人提議不如去貓cafe吧。對於未去過貓cafe的我來說幾新鮮，朋友上網找到一間口碑好像不錯的cafe，預先經WhatsApp訂檯，也可以在他們的社交平台看到有關於餐廳的資訊和更新。剛出𨋢有鞋架和凳讓客人先除鞋，記得著襪保持雙方的衛生。推門進去會有一道安全閘，防止貓貓走出去。現在都有不少的貓cafe，曾見過網上有人說有些餐廳的衛生較差會有一股味道，但這裡由入座到用餐都不覺有味，空氣流通。基本上一眼已經看到整間舖。除了普通的檯凳座位，還有一些藤製加軟墊的凳仔配矮一點的檯，與貓貓更親近；而開放式的廚房讓客人覺得跟餐廳的隔膜更細，氣氛更和諧。在貓貓附近用餐感覺很特別，而在檯上的那隻貓很喜歡被人拍屁屁，久不久還會走過來想你摸摸呢台灣滷肉飯($68)的樣子很可愛，貓型的飯裡面釀了滷肉，幾有心思；朋友說味道都不錯。雞絲三色冷麵($68)的顏色鮮豔，味道正常，但這份冷麵的份量則明顯細了一點。看到鰻魚玉子燒($50)上面的木魚絲在跳舞就知道是剛做好熱辣辣的。玉子燒有蛋香味但不算很濃，裡面夾著適量的鰻魚，吸收了鰻魚汁的甜味配合淋在蛋上面creamy的沙律醬，以及紫菜和木魚的鹹味，味道有層次得來平衡得不錯。我點了娘惹咖哩配五穀飯(雞肉)($68)，當聞到從廚房飄出來的香味，就知道我的咖哩飯正在製作中。由於香味太吸引，我愈聞愈餓，絕對能夠激起食慾咖哩有很重的椰奶味，不辣、質地creamy很下飯。雞肉也有不少，質地夠淋滑，裡面還有少許薯仔。旁邊有些蔬菜作配菜，椰菜花也很淋但未至於會爛。五穀飯比一般白飯更健康，只是米偏硬，咬的時候要吃力一點，大部份人也未必能夠接受；倘若能夠煮耐一點，配著惹味的咖哩就更理想了。餐廳為家庭式經營，見到店主是逐碟逐碟煮，所以下單以後都要等一段時間。用餐當日餐廳差不多全部滿座，下單後我也等了半小時食物才上菜；一般餐廳未必能夠接受，但這裡作為貓cafe，氣氛十分放鬆舒適，在等待的同時跟貓貓玩，或者自己坐在一旁工作，一會食物就會上菜，如訂單多的時候等一等時間也很快過。Cafe裡有幾隻貓，而最常在我們附近出現的就是這兩隻。黃白色的薑B十分活躍，經常在追著貓砂或者貓糧玩😂背向著的是Bear Bear，體型比薑B細起碼一半，也就是剛進餐廳時很喜歡被人拍屁屁的那隻。不過這兩隻貓關係不太好，前後打了兩次架，但打架時店員有出手調停他們，讓他們知道是不對的，所以之後也平靜下來🤣還有一隻貓跟Bear Bear的樣子差不多是她的姊妹Cheetah。Cheetah比較文靜喜歡坐在一旁，也很願意讓人摸，如果比較怕貓但又想摸摸貓的可以從Cheetah入手🤣店裡還有一隻英短Mimi，性格安靜。她給人一種生人勿近的感覺，對人的戒心比較重。但當你肯放時間跟她慢慢相處，溫柔一點，就可以摸到Mimi。店員的服務親切，會解釋menu上的食物，送上食物時會介紹，又會主動向我們提供多些細碟和餐具作分享。作為貓cafe，店員還有向我們介紹貓貓，說說不同貓咪的特性讓我們更瞭解如何跟牠們相處。初來貓cafe感覺不錯。這裡的食物、環境和服務都有質素，整個用餐經驗舒適，餐廳的氣氛幾relaxing，也感受到店主的用心努力經營，同時想幫助流浪貓貓。有機會會再來用餐，探探貓貓
繼續閱讀
呢間貓cafe嘅環境好舒服，空間唔會咁狹窄，價錢唔算貴，而且啲貓都係老闆娘佢哋收養/執返嚟，比起淨係識利用貓狗做生財工具有意義得多。見啲貓貓乾乾淨淨又健康，老闆娘佢哋真係好錫啲貓貓。雖然啲貓貓隻隻都好高竇唔太理人哈哈，嘢食ok，去得貓cafe就預咗。
繼續閱讀
想去貓Cafe好耐，終於捉到朋友到貓貓Cafe玩❤️Cafe細細地，有6隻貓？（記唔清了🤣）雖然唔會好嗲人，但會經常係你身邊經過，成日傾傾下就會有貓貓鼠過黎嚇親我😂Cafe仲有好多貓玩具可以逗貓玩添～我地勁衰，起勢追住d貓貓玩😂😂兩個老闆娘超級親切（而且好温柔），得閒就會介紹d貓貓俾我地識，同我地分享貓貓既故事🥺仲俾我喂佢地食野😍😍店內仲有兩隻小貓岩岩到，未出得籠玩，不過眼仔碌碌好得意。Cafe主要都係領養貓番黎，而且都係幫緊貓貓揾佢地既有緣人領養🥺🥺有興趣既領養人可以去揾下自己合眼緣既貓～我地足足hea左成個下就，真係有d唔好意思，食得咁少野⋯⋯失業既人心𥚃苦🙈有錢我會大大力懲罰下，幫補下Cafe養貓d支出。野食我地一人叫一份，份量比我想像中少（Openrice 相睇落好大份），我估男士就未必夠飽啦，類似下午茶既份量啦。不過講真，佢唔係按時間收費，咁既價錢就算份量唔算多都好著數，有得食又有得玩～當然我覺得可以叫多幾份野食，因為野食味道真係唔錯，不過我地掛住玩同傾計就無再叫😂😂另外野飲方面都好正，我特別鍾意桂花蜜，又香又甜好好飲❤️會再去的，幾適合悠閒地hea一個下就，而且一個人去都唔會尷尬❤️
繼續閱讀