泰道 (已結業)

星期日見天氣唔錯，出外同狗狗遊車河，順便去食野。 上網搜索左一下，見餐廳環境不錯，就打去訂位，同再一次確認可帶狗狗。 餐廳位置距離西貢海旁廣場約5分鍾車程， 十分便利。 餐廳門口亦有停車位，每小時$10. 入到餐廳，職員安掛我地座望沙灘既位置，仲好細心問需唔需要幫狗狗安排飲用水。 由於餐廳空間寬廣，狗狗們唔會打曬交。 餐牌選擇多， 一般泰式菜都有， 小食，咖哩， 沙律， 主食，甜品都有。 我地跟據店員既推介，見左個馬沙文咖哩牛，半隻燒雞同2串串燒牛，2串串燒豬，龍眼冰同椰青。馬沙文甜左d, 但牛肉好好食。 d牛腩用坑腩，有皮又夠肥，配上薄餅十分惹味。 燒雞即叫即燒，十分香口。 雞肉好juicy亦好入味。 串燒亦不錯。 2人埋單約$560. 由於每碟菜份量幾多， 下次可叫埋屋企人一齊黎食。