影片
更多
2021-05-14
224 瀏覽
今日相約朋友到牛頭角為食火鍋公司用膳，餐廳以狗狗為主題，只要細心留意，會發現由Menu、牆上佈置、擺設都係有狗狗圖案或相片，就知道老闆係愛犬之人😬我地點選咗每位$318火鍋雞煲任食套餐，內容包括菜膽扣鮑魚、五色刺身、海鮮拼盤、手切牛肩頸、無限量雞煲、西班牙黑豚肉、紫菜響鈴、魚皮、鮮鴨血、五寶丸類及三色餃、蔬菜籃，部份嘢可以無限追加。店員先奉上菜膽扣鮑魚同五色刺身作為頭盤； 刺身分別有牡丹蝦、三文魚、鮑片、北寄貝、帶子。先試試雞煲，除咗一般數得出嘅香料例如乾葱、蒜蓉、薑粒、紅椒、泡椒、豆瓣醬等，亦加入咗大量芫荽，令整個雞煲味道再提升到另一個層次。 通常任食雞煲都會係自己動手炒，但今次店員主動代勞，咁我借呢個機會享受下，破例等人招呼啦😌😌😌店員首先將雞炒三分鐘，然後焗佢兩分鐘；重覆以上動作兩次，一開蓋香氣從煲內爆發，惹味香濃嘅雞肉，嫩滑得嚟亦夠乾身香口，然后再將魷魚、豬皮、牛柏葉；吸收咗雞煲汁醬後，簡直係食唔停口呀。不足十分鐘已經被全部消滅。店員温馨提示，雞煲係無限添食，但由於我地仲有火鍋未食，今次食一盆就先停手，留肚食其他正野吧。店員好快就幫我地換咗一個蕃茄薯仔湯底，並陸續將海鮮拼盤(包
我地點選咗每位$318火鍋雞煲任食套餐，內容包括菜膽扣鮑魚、五色刺身、海鮮拼盤、手切牛肩頸、無限量雞煲、西班牙黑豚肉、紫菜響鈴、魚皮、鮮鴨血、五寶丸類及三色餃、蔬菜籃，部份嘢可以無限追加。
店員先奉上菜膽扣鮑魚同五色刺身作為頭盤； 刺身分別有牡丹蝦、三文魚、鮑片、北寄貝、帶子。
先試試雞煲，除咗一般數得出嘅香料例如乾葱、蒜蓉、薑粒、紅椒、泡椒、豆瓣醬等，亦加入咗大量芫荽，令整個雞煲味道再提升到另一個層次。 通常任食雞煲都會係自己動手炒，但今次店員主動代勞，咁我借呢個機會享受下，破例等人招呼啦😌😌😌店員首先將雞炒三分鐘，然後焗佢兩分鐘；重覆以上動作兩次，一開蓋香氣從煲內爆發，惹味香濃嘅雞肉，嫩滑得嚟亦夠乾身香口，然后再將魷魚、豬皮、牛柏葉；吸收咗雞煲汁醬後，簡直係食唔停口呀。不足十分鐘已經被全部消滅。店員温馨提示，雞煲係無限添食，但由於我地仲有火鍋未食，今次食一盆就先停手，留肚食其他正野吧。
店員好快就幫我地換咗一個蕃茄薯仔湯底，並陸續將海鮮拼盤(包括有本地肉蟹、生蠔、帶子、虎蝦、聖子、脆肉鲩片、扇貝)、手切牛肩頸、西班牙黑豚肉、紫菜響鈴、魚皮、鮮鴨血、五寶丸類及三色餃、蔬菜籃等放到餐枱上，認真大陣仗；呢個時候我終於恍然大悟，明白店員點解二人用膳卻要安排一張四人枱喇。😵😵牛肩頸牛味出眾，海鮮爽口彈牙，黑豚肉肥瘦適中，響鈴鬆脆香口，蔬菜清甜無渣；
經過多番努力、血拼，大戰九十九回後，我地終於都將呢個不可能嘅任務完成。
店員最後再奉上是日精選甜品-椰汁燉蛋白，認真係又香又滑；燉蛋白看似人人都識整，但要做到蛋白表面香滑而唔老，控制火喉係十分重要，好多餐廳往往會出現只求銷量，而放棄質素情況；忘記咗呢個簡單而明嘅道理。
而自認為有食力，兼愛寵物嘅朋友仔，誠意推介你地約埋三五知己嚟挑戰下。
張貼
