影片
更多
2023-04-06
54 瀏覽
平時返屋企都會路過呢間燒肉放題店，每次都比門口隻牛擺設吸引而過去睇，但因為每次都係食完飯or買左飯先經過，一直都未有機會試佢咁岩今個月出左bonus同埋屋企人又去左旅行，就一於自己一個去試下，犒賞下自己啦！平時路過都嗅到小小燒肉味，但都唔會覺得間餐廳好似韓咁大油煙，今次入到餐廳，更加係令我驚嘆，真係完全冇油煙，都唔會話食完成身味既感覺坐底之後，好快我就揀左course B 嚴選牛肉放題及盛合餐野食都係我落完order既幾分鐘內就已經上枱啦首先有條海鮮船，全部都係我既favourite 呀~有大魷魚，扇貝，大大隻既海蝦，肥美既生蠔，簡直係滿足曬我幾個願望呀之後仲有個肉盛合上枱，擺盤好精緻，仲有乾冰係底比你打卡同埋keep住d野食夠凍同埋新鮮放題落單都係自助掃code，由於我太肚餓啦，我就一邊食緊一邊又落緊單，野食款式都好多，真係想全部都叫一碟黎曬不過餐廳為左想保持野食新鮮同埋避免張枱唔夠位同浪費，每次就限左叫5款野食，所以我先叫左壽喜燒牛里脊肉配溫泉蛋，2碟牛舌棒同埋2碟厚切牛舌！！一直都係壽喜燒粉絲既我梗係要試下燒肉版係點樣架啦店員教話燒到一面有血水先好反，反1次見變色就夾起點蛋食，
平時路過都嗅到小小燒肉味，但都唔會覺得間餐廳好似韓咁大油煙，今次入到餐廳，更加係令我驚嘆，真係完全冇油煙，都唔會話食完成身味既感覺
坐底之後，好快我就揀左course B 嚴選牛肉放題及盛合餐野食都係我落完order既幾分鐘內就已經上枱啦
首先有條海鮮船，全部都係我既favourite 呀~
有大魷魚，扇貝，大大隻既海蝦，肥美既生蠔，簡直係滿足曬我幾個願望呀
之後仲有個肉盛合上枱，擺盤好精緻，仲有乾冰係底比你打卡同埋keep住d野食夠凍同埋新鮮
放題落單都係自助掃code，由於我太肚餓啦，我就一邊食緊一邊又落緊單，野食款式都好多，真係想全部都叫一碟黎曬
不過餐廳為左想保持野食新鮮同埋避免張枱唔夠位同浪費，每次就限左叫5款野食，所以我先叫左壽喜燒牛里脊肉配溫泉蛋，2碟牛舌棒同埋2碟厚切牛舌！！
一直都係壽喜燒粉絲既我梗係要試下燒肉版係點樣架啦
店員教話燒到一面有血水先好反，反1次見變色就夾起點蛋食，我當然就跟足店員教學，試一試，嘩，一啖放入口，肉質真係好嫩，入口即溶，配埋壽喜燒蛋汁我簡單覺得自己係世界上最幸福既人呀
個口仲回味緊既時候，我已經燒好牛舌啦，牛舌都好淋，唔會好韌，口感好好，雖然好厚都唔會話好似香口膠咁，同其他燒肉舖食到既好唔同
之後都陸續燒埋雞肉，大大隻海蝦同埋扇貝，燒烤既海鮮真係冇得輸，好香燒烤味同埋好新鮮，唔洗點汁醬都好好食啦已經
雞肉都好滑好嫩，雞皮都唔會話好肥好多油脂
之後就叫左生蛋牛肉刺身，好少係放題店食，之前都係係西餐廳食過beef tartare，呢度牛肉切左絲唔會好大舊，撈埋蛋同本身既醬汁一齊食，超.好.食.呀！D牛肉好新鮮好甜好嫩滑，唔會韌或者有根影響口感，而且重點係個醬汁同蛋同牛肉都好夾，我前後食左3個啦！
講明和牛燒肉，又點少得我地既主角和牛先生呢！
好多款唔同部位同配上唔同醬汁既和牛比你叫，我全部都叫左一碟試左先，好食既再encore，不過一個人食就食完一輪都開始飽飽地，果然獨食難肥呀！放題都係一大班朋友分享同叫先可以食得多d既，下次都係同朋友黎啦！🤣
值得一提既係醬汁，雖然有d肉類都有醬汁配，但我叫左3款醬汁試下，分別係沙嗲醬，味噌醬同蔥油醬。3款醬入面我覺得最正既係沙嗲醬，佢既味道係好香個種沙嗲串燒醬，唔係沙嗲牛肉麵個種味
其他個2隻醬都好食，不過就普通小小冇沙嗲醬咁出色😛
食燒肉梗係要飲啤酒啦，見到餐廳做緊優惠，Hoegaarden做緊優惠買一送一就梗係叫番2枝啦！🥳
除左肉之外，仲有好多熱食，麵、飯類既選擇，我叫左個章魚小丸子都好好食
最後，食個冷麵食為呢一餐燒肉放題畫番個完美既句號😌
最後，食完冷麵，當然唔少得食甜品啦~😍
甜品區有爆谷，棉花糖，雪條揀，但因為太飽啦，我就食左日本北海道牛奶雪條，食放題食到食雪糕都覺得值回票價呀！🤩
最最最後，值得一讚既仲有好好服務既店員，除左教我點樣燒會好食d，仲推介左好多好食既，下次再有機會要試埋其他熱食同埋食更多更多既和牛！
張貼
