影片
更多
2022-06-30
267 瀏覽
呢間新開嘅法式餐廳位於觀塘主打法式fusion菜每碟菜式都整得好精緻非常之用心製作喺鬧市中慢慢品嚐高質美食真係一大享受☺️🔸Five-Courses $588 per person今次我哋就簡咗五道菜嘅晚餐，內容都好豐富，有前菜、主食、甜品等等😋🔸Amuse Bouche呢道前菜係個朱古力波波嚟，就咁睇以為係普通嘅朱古力嚟，食落先知內有乾坤。咬開朱古力嘅外層之後，就會發現入面係雞肝醬，雞肝醬非常之香同creamy。繼續食落去仲會食到粒榛子，同雞肝醬非常夾，呢個前菜真係有心思🤣🔸12 Years Old Imperial Caviar就咁睇個菜式名就已經流哂口水，係魚子醬呀😍仲要係12 Years Old 嘅魚子醬😍食落果然無令我失望，魚子醬食落咸咸地，同埋有陣甘香味，配埋伴碟嘅蘆筍食一流，口感夾之餘仲中和到個味道🤤🔸Porcini Mushroom食完魚子醬之後再食埋松茸，真係幸福指數爆標😍呢個松茸蘑菇湯非常之好味，除咗松茸味香濃之外，個湯表面仲噴咗白松露泡沫。個湯仲配咗塊芝士脆脆，邊飲湯邊食真係好正🤤🔸Sous Vide French Free Range Pigeon平時酒樓嘅乳鴿就
主打法式fusion菜
每碟菜式都整得好精緻
非常之用心製作
喺鬧市中慢慢品嚐高質美食
真係一大享受☺️
🔸Five-Courses $588 per person
今次我哋就簡咗五道菜嘅晚餐，內容都好豐富，有前菜、主食、甜品等等😋
🔸Amuse Bouche
呢道前菜係個朱古力波波嚟，就咁睇以為係普通嘅朱古力嚟，食落先知內有乾坤。咬開朱古力嘅外層之後，就會發現入面係雞肝醬，雞肝醬非常之香同creamy。繼續食落去仲會食到粒榛子，同雞肝醬非常夾，呢個前菜真係有心思🤣
🔸12 Years Old Imperial Caviar
就咁睇個菜式名就已經流哂口水，係魚子醬呀😍仲要係12 Years Old 嘅魚子醬😍食落果然無令我失望，魚子醬食落咸咸地，同埋有陣甘香味，配埋伴碟嘅蘆筍食一流，口感夾之餘仲中和到個味道🤤
🔸Porcini Mushroom
食完魚子醬之後再食埋松茸，真係幸福指數爆標😍呢個松茸蘑菇湯非常之好味，除咗松茸味香濃之外，個湯表面仲噴咗白松露泡沫。個湯仲配咗塊芝士脆脆，邊飲湯邊食真係好正🤤
🔸Sous Vide French Free Range Pigeon
平時酒樓嘅乳鴿就食得多，法式嘅鴿肉就真係第一次食🤣鴿肉外皮煎得好香，師傅將個熟度煮到四成左右熟，食落肉質好嫩滑，碟上仲用醬汁做咗個點綴，鵪鶉肉點埋個紅菜頭醬汁食更加好味🤩
🔸Chef Handmade Pasta
終於到主菜喇，主菜係餐廳師傅親手做嘅手工意粉，再用墨魚汁去烹調。雖然外表黑蚊蚊但係好香墨魚味，意粉亦都好彈牙，食落明顯食得出同普通意粉唔同。意粉仲有大大隻帶子做配菜，帶子肉質實正，味道鮮甜😍
🔸Mystery Dessert
神秘甜品壓軸登場、原來就係焦糖燉蛋😍員工仲會喺上菜時喺食客面前燒個燉蛋，真係好精彩。燉蛋食落好嫩滑，蛋味好香濃，再配合埋面層嘅焦糖脆片，真係頂級享受😍
張貼
