恆之茶居 (已結業)

上星期同朋友去尖沙咀，行經恆之茶居；見到啲點心幾特別所以決定買少少黎食下。松露蝦蛟：一共三隻既蝦蛟，皮薄可見到當中既黑色一點點既松露；食落蝦隻極之爽口，味道甜甜地，陣陣既松露香味散發出黎；整體味道幾配合！海膽燒賣：同樣地一共三粒，燒賣大大粒；而上層加了少許海膽，食落更加香口。燒賣口感很彈牙，味道甜甜地，而且絕對吾乾口，很推介！甘哥叉燒餐包：見到價錢幾抵，所以叫左兩個。雖然外賣令到溫度吾熱，但口感鬆脆；當中既叉燒料很香口，叉燒汁更甜甜地令整個包既味道提升，皮薄餡靚，用心製作！袐製咖哩四竇：四竇包有魷魚，魚蛋，豬皮，蘿蔔；個人覺得20蚊黎講份量比較少。但袐製咖哩的確值得一讚，咖哩味道香又吾會好油膩，魚蛋好彈牙，而且好入咖哩味！魷魚爽口，另外豬皮，蘿蔔配合埋咖哩汁味道一流～