21
0
0
港鐵尖沙咀/尖東站 L5 出口, 步行約1分鐘 繼續閱讀
電話號碼
26684068
營業時間
今日營業
11:00 - 22:00
星期一至日
11:00 - 22:00
付款方式
Visa Master AlipayHK 支付寶 現金 八達通 AE 銀聯 Apple Pay 微信支付
其他資料
酒精飲品
外賣服務
加一服務費
室外座位
食評 (22)
等級4 2020-08-18
108 瀏覽
原本較少會去力寶太陽廣場,但朋友大力推薦那裡的奔之食堂,我才發現旁邊同樣新開的"恆之茶居"一樣出色。整個環境感覺都好好,好多個打卡位 充滿台式文青風。我們點了叉燒餐包、松露蝦餃和海膽燒賣。叉燒餐包無論口感還是味道都非常出色!!不愧為招牌之一!!明明吃完正餐,還是KO了兩個;-P餐包外脆內軟一定要襯熱食用,內裡是甜甜的半肥瘦叉燒,認真的皮薄餡靚~我認為$8/1個 已經好抵食,性價比好高。(如果早餐可以食到就好了~)松露蝦餃同樣會是下次再點的點心,個人有點小癖好 一向都喜歡吃蝦餃皮。這裡就做到皮薄煙韌,而且一上檯時就看到非常足料,每粒都"脹卜卜"帶點晶瑩剔透。添加了松露令蝦餃更香,一人輕鬆吃完 又不會很膩。海膽燒賣,一聽就覺得很有新鮮感 嚐嚐這款"新派點心"。海膽味未算濃郁 只當作是點綴,勝在燒賣內的蝦肉爽口,味道正常加上口感搭夠,一樣吃得滿足。所有點心都熱辣辣,有吃得出的誠意。但由於茶居只有外賣,所以我們吃完奔之食堂後就乾脆下單,拿了過去吃。平常的話還是會拿走吧!(已經好想念餐包......)而且,我決定下次要試更多款式 !特製的混醬腸粉! 吸引呢~ 繼續閱讀
(以上食評乃用戶個人意見 , 並不代表OpenRice之觀點。)
人總係聽到好多唔岩聽既說話果陣,寧願扮聽唔到。如果你係普通人,我唔怪你,我明白,有時我都會。但如果你抖緊每個月40幾萬,作為一個政府無論你身在高官抑或小薯仔,係咪都要聆聽市民既訴求?或者你所講既經過呢一年黎既時間,所有人都需要汲取教訓,我敢請問你得到乜野啟示呢?唉,或者係呢個時侯,我都選擇扮咩都聽唔到,黎到「恆之茶居」,搵一個適合自己既平行時空,離地一下。👇📌招 牌 小 點 -▪ 甘哥·叉燒餐包 - $8/個▫ 首先必試人氣熱爆既自家製叉燒包,聽講係呢到甘師傅獨門秘製,就咁睇賣相就似足墨西哥包咁,其實表面係由菠蘿包既酥皮形成,食落相當鬆脆香口;而裡面既叉燒餡非常足料,肥瘦相間,一個都係賣緊8蚊雞,認真抵食!▪ 松露·蝦餃 - $32/籠▫ 同舊式茶樓有最大既分別,就係有諗頭,好似將傳統既蝦餃加入松露醬,令成件事變得更加rich。而餃皮要讚既係夠透薄唔會太厚,而裡面既原隻蝦肉食落仲好彈牙,唔會有一浸雪藏味,鍾意一盅兩件既朋友,你地有口福啦!▪ 海膽 · 燒賣 - $32/籠▫ 燒賣都可以同海膽混合?岩呀!你真係無聽錯,呢個燒賣面頭真係放左馬糞海膽,將平平無奇既燒賣昇華另一個層次。燒賣食落啖啖蝦肉,而混合左豬肉,份外惹味,而且肉汁豐富,加埋海膽既鮮味,我覺得味道好特別,值得一試。 繼續閱讀
(以上食評乃用戶個人意見 , 並不代表OpenRice之觀點。)
等級4 2020-06-17
314 瀏覽
點心係香港其中一款特色美食, 但原來台灣過江龍"恆之茶居", 點心媲美香港高質酒樓, 質素食過先知有驚喜!話說自己一個人放工又想食點心, 醒起之前經過力寶太陽廣場有間主打外賣點心店, 旁邊有少量位置可供堂食, 而且全日免加一。今晚就去試試!款式唔多, 點心即叫即蒸, 先嘆杯【自家奶茶 熱】HK$16入口香滑, 茶味超濃, 加左兩包糖, 都係微甜, 提神之選【甘哥叉燒餐包】HK$8餐包為常溫, 雖然不是新鮮出爐, 但外皮依然酥脆, 甜甜地, 有如港式叉燒包, 內裡有半肥瘦叉燒饀料, 配上叉燒醬汁, 咸甜比例岩岩好【咖哩魚蛋】HK$16咖喱汁有D稀, 咖喱味偏淡, 魚蛋略帶彈牙, 比起街邊小販質素好D最值得推介係以下兩款點心!!!【松露蝦餃】HK$32蝦餃足料飽滿, 皮薄饀靚, 食到超鮮甜蝦味, 爽口彈牙, 松露味亦很突出, 勁正!!!【海膽燒賣】HK$32燒賣同樣皮薄豐滿, 鮮肉饀料, 不過海膽味唔太出, 只係襯托賣相更加吸引。  繼續閱讀
(以上食評乃用戶個人意見 , 並不代表OpenRice之觀點。)
餐廳:恆之茶居 (尖沙咀)地址:尖沙咀廣東道28號力寶太陽廣場LG06號舖最近係力寶太陽廣場行街果陣見到有間新開嘅恆之茶居🍵,咁岩下午茶時間所以就搵左個位坐低食個靚下午茶食物選擇唔算多,但我地成日都講貴精不貴多😎,做得出色嘅賣一樣野食都可以家傳戶曉👍🏼,佢地除左有點心之外仲有3款飯同埋奶茶檸茶🥤,緊係要試一試啦叫左個甘哥叉燒餐包,$8一個,唔好以為呢個價錢好貴,我話你聽絕對係超值😍,因為真係好!好!食!精緻菠蘿包外皮包著熱辣辣嘅叉燒餡料,外層焗得完美鬆脆,帶有蜜汁嘅叉燒惹味甘甜,絕對會再幫襯過,後悔只係叫左一個咁少另外仲叫左個松露蝦餃($32)同海膽燒賣($32),兩款都係一盅三件,松露同海膽都係比較高檔嘅食材😋,用呢個價錢就食到確實抵試,燒賣仲有粒粒蝦仁🍤,好有咬口不少得嘅緊係叫我嘅至愛奶茶啦🤤,恆之茶居嘅凍自家奶茶$19一杯,奶同茶嘅味道比例大概係6比4,茶味淡淡飄香而奶滑香濃🥛,想要一個幸福嘅下午其實就係咁簡單 繼續閱讀
(以上食評乃用戶個人意見 , 並不代表OpenRice之觀點。)
等級4 2020-05-28
492 瀏覽
台灣既恆之茶居 原來係香港開左店今日下午茶就黎試下佢😎位置係尖沙咀力寶太陽廣場 如果係呢頭返工既話,又一個食lunch好地方。恆之茶居餐牌有飯類,有小點,有飲品今日晏晝2:30左右黎到,叫左幾個招牌小點叫左松露蝦餃,海膽燒賣,酥皮叉燒包同酥皮蛋撻王食點心點小得蝦餃燒賣_松露蝦餃 $32一籠3隻我堂食所以有埋個點心籠上枱 熱辣辣蝦餃皮夠薄 望入去已經望到粒粒松露咬落食到點點松露味 蝦既份量都夠整體不錯_海膽燒賣 $32一籠3隻第一次食海膽配燒賣每粒燒賣上面都有海膽鋪係上面 而且唔係細到你睇唔到果d咼可能因為海膽熱左既關係 當然冇生食果陣味咁鮮燒賣大大粒 熱辣辣架🤤咬落啖啖蝦肉 好滿足❤️_酥皮叉燒包 $8/個聽講黎呢到必食酥皮叉燒包8蚊一個,於是我一點點左3個,湊夠一碟😆我覺得我點3個酥皮叉燒包呢個決定係岩架😆因為一個真係唔夠喉架薄薄一層酥皮 做得恰度好處咬落口感非常好👍🏻入面餡料份量一d都唔吝嗇,啖啖叉燒🤤🤤醬汁好match 咸甜比例岩岩好推介推介🤤一人食3個一d都唔會多🤤_酥皮蛋撻王 $8Size唔大兩啖就可以食哂嚕酥皮如果脆d就好d啦😝_雖然呢到主力外賣,但其實隔離都有d堂食座位架😝而且聽講隔離間奔之食堂係同一個老闆既關係,所以係可以買入去食都得架或者食奔之食堂再搭2個酥皮叉燒包又得🤣🤣🤣強烈推薦酥皮叉燒包 半打都食到呀!😝 繼續閱讀
(以上食評乃用戶個人意見 , 並不代表OpenRice之觀點。)