影片
更多
2023-03-12
58 瀏覽
星期日中午到銅鑼灣鬼金棒食拉麵，幾中意拉麵店暗黑路線嘅裝修，放置多款鬼面具，幾有特色。拉麵店係自助落單，主打麻辣味噌拉麵，都有飯類選擇。增量叉燒x2麻辣味噌拉麵湯底叫左小麻小辣，質地係比較稀薄個種，麻同辣食落温和，但整體味道係濃郁，唔會好油膩，而且食到蔥蒜香。拉麵較為粗身圓渾，有咬口。叉燒兩大條，肥瘦均勻分明，脂肪位入口散開，充滿油香，瘦肉位置肉質軟淋易咬，入味有肉香。另外加咗味玉同芽菜，芽菜爽口清甜，令整碗麵嘅口感更豐富。味玉麻辣味噌拉麵雖然肉嘅份量冇增量叉燒咁多，但係叉燒都好厚身，正常食量嘅人都夠食，味玉煮得岩岩好，中間流心，蛋黃呈橙紅色，帶光澤感，蛋味濃郁香醇，個人好中意！Zero食拉麵點少得飲品，今次就叫咗無糖可樂
拉麵店係自助落單，主打麻辣味噌拉麵，都有飯類選擇。
增量叉燒x2麻辣味噌拉麵
湯底叫左小麻小辣，質地係比較稀薄個種，麻同辣食落温和，但整體味道係濃郁，唔會好油膩，而且食到蔥蒜香。拉麵較為粗身圓渾，有咬口。叉燒兩大條，肥瘦均勻分明，脂肪位入口散開，充滿油香，瘦肉位置肉質軟淋易咬，入味有肉香。
另外加咗味玉同芽菜，芽菜爽口清甜，令整碗麵嘅口感更豐富。
味玉麻辣味噌拉麵
雖然肉嘅份量冇增量叉燒咁多，但係叉燒都好厚身，正常食量嘅人都夠食，味玉煮得岩岩好，中間流心，蛋黃呈橙紅色，帶光澤感，蛋味濃郁香醇，個人好中意！
Zero
食拉麵點少得飲品，今次就叫咗無糖可樂
張貼
