越男仔 (已搬遷) 新店位置

所有有關蕃茄既食物我都非常喜愛！朋友介紹呢到既蕃茄湯底非常出色，當然要立即試試！平日既晚上，終於有機會試啦！越南仔地方唔大，大概只有10個座位，但地方乾淨企理，開放式既廚房，鋪頭既電視有介紹老闆同佢經營既其他餐廳，幾位姐姐既服務亦好好。食野方面，我揀左蕃茄湯底生牛肉金邊粉，佢個湯底真系好正，好濃，份量都好足夠，食完好滿足！但唯一可以改進既地方系佢野飲有啲貴，青檸梳打要加20幾蚊，如果可以平少少就完美啦！