Project B (已結業)

Project b環境幾舒適，店員親切有禮，而2人套餐幾抵食！所以就叫左這款。1664生啤夠凍，+幾十蚊就有，幾抵！餐湯賣相靚仔，用既碟賣相幾別緻，雲石款式好靚！粟米湯幾香濃，味道帶creamy.馬沙拉美國肉眼扒，塊肉眼 size仲大過隻手板，肉味濃厚！肉質嫩少筋位，啖啖肉好滿足，旁邊既薯條都好脆身，西班牙鮮魷筒飯，非常多功夫既手工菜，坊間比較少見！軟淋又有彈性既魷魚包住內層超香既黃薑飯，夾雜著蕃茄醬汁底，酸酸maymay好襯，整體食物質數幾好，價錢對得住個質數，正。