101手工涮涮鍋 (金朝陽中心二期 - Midtown)

營業中

休息中

聽朋友講銅鑼灣最近開咗一間101火鍋可以任飲特色啤酒及飲品嘅火鍋店，我呢啲為食人當然約埋三五知己去品嚐享受一下鋪頭位於登龍街非常就腳，初頭以為火鍋餐廳好似普通嘅酒家一般，但係一上到去非常華麗，有海景睇而座位都非常寬闊。因為我哋多人關係我哋揀咗兩個火鍋一個辣一個唔辣，紅燒牛肉鍋， 香濃嘅牛腩，配上少少嘅辣味，正蜆湯鍋，喜歡吃清清地嘅我非常鍾意，湯底非常香甜，大大嘅蜆，非常之好食正牛頸脊肥牛片，一啖咬落去一啲都唔覺得肥，亦都唔好癡牙，有少少入口即溶嘅感覺西班牙黑毛豬肉片，本身打邊爐食豬肉唔係我嘅最愛，但係呢個豬肉片非常特別，食落唔會好像一般好乾爭爭嘅感覺，好滑亦都好爽口。太極冬菇，鮮蝦滑墨魚滑，配上新鮮嘅冬菇，睇下你點抵擋手打丸，呢間店手打嘅技術真係幾好，咬落去一啲都唔覺得太過實，味道亦都唔會太咸，彈牙爽口。黑松露蟹肉餃子，喜歡食黑松露香味嘅朋友一定要食，非常特別，大大蟹肉配上黑松露嘅滋味。打邊爐一定要有響鈴，魚皮，看看呢個大響鈴，魚皮，香脆之餘，仲熱辣辣，飲品方面，非常特色，有可樂沙冰，特色嘅手調啤酒，珍珠奶茶種類亦都非常之多。