The Captain's House (已結業)

今次嚟咗想食好耐既The Captain’s House。前菜點咗特色蟹餅，同平時出去食嘅炸蝦餅唔同，佢入面真係一絲絲嘅蟹肉，好重蟹味，鍾意食蟹嘅朋友記得要來試吓。當然唔少得點佢個海鮮袋嚟試吓啦，一上到嚟果然係好有特色，職員會幫你搖一搖，好似shake shake薯條咁樣搖勻啲汁，我哋要咗個檸檬牛油汁，好夾個海鮮，我哋點左青口，蜆同埋蝦，個底會有啲粟米、薯仔同埋腸仔，味道好好，好有特色，同埋二人份量嘅話都好足夠。跟住叫咗個白酒煮蜆肉意粉，味道好鮮味，食唔停口。甜品方面就叫咗個蘋果批，好香蘋果味，個批又好鬆脆，唔會話好甜。飲嘢方面，我哋叫咗兩杯沙冰，一杯係士多啤梨沙冰，另一杯係椰汁沙冰，兩杯都溝得味道好好味，同埋唔會覺得佢好水，果汁量都好充足。總括而言，餐廳好有特色，值得鍾意食海鮮嘅朋友來一試。