彤私房菜高級粵菜 (已結業)

海入面嘅寶藏除咗魚類之外，經常做冷盤嘅菜式海蜇就係來自海裏面嘅水母。🐙 營養價值高，而且喺炎炎夏日好適合食呢啲冷盤。今次我哋嗌咗呢一款冷盤，叫做水晶金玫瑰。🌹 本身都好好奇究竟金玫瑰係啲咩嚟嘅呢。😮 經過店員介紹之後就知道其實佢係海蜇頭，即刻上網睇吓究竟海蜇頭同海蜇有咩分別啦。😂 海蜇頭係水母觸鬚嘅部份，更加係海蜇中嘅精品，口感同營養價值都更佳。🤩 即刻叫咗碟嚟試吓，果然係喎！口感爽脆，比起平日食嘅海蜇更加出色。😍話明海中寶呀嘛，點少得平日食開嘅魚呢。😛 我哋嗌咗呢個海班兩食，入面有個魚湯，仲有一碟班片配豆腐瘦肉雜菌。🍄 魚湯好濃郁，味道真係好新鮮。魚湯一啲都唔腥架，再配埋簡單清新嘅食材，鮮味更加提升。