影片
更多
2021-09-19
1183 瀏覽
2021年9月10日 星期五今日同老婆做完產檢之後，就同佢嚟到九龍塘食呢一間餐廳，因為之前食過呢度嘅下午茶抵食之餘又好味，性價比非常之高，於是今晚再嚟試吓佢嘅晚餐估唔到晚餐都一樣有好多選擇，除咗餐牌上面可以散叫之外，仲有精選套餐，包左餐湯、餐飲同甜品，價錢唔算太貴，最貴嘅餐加埋一都係$200左右，所以我哋唔考慮太多每人叫咗一個套餐一點完餐等咗大約幾分鐘餐湯就送到，我就要咗羅宋湯，嚟到嘅時候見到好足料，有好多唔同嘅蔬菜，味道唔算太辣，蕃茄味幾突出，蔬菜煲到好腍，好明顯煲咗好耐，夠晒火候另外仲有蒜蓉包食，雖然上面嘅蒜蓉牛油唔算太多，不過真係焗得好脆，而且每人仲有兩塊添之後老婆點嘅主菜首先送到，係帶子牛柳串燒配賓尼士汁菠菜麵，冇諗過串燒會咁大串，而且牛柳同帶子份量都唔少，切落去牛柳冇晒血水，食既時候又唔韌，肉味幾濃，而帶子同菠菜麵亦都好彈牙，配埋呢個賓尼士汁酸酸地幾開胃至於我就要咗芝士焗蘑菇釀黑豚梅扒配意大利飯，豬梅扒真係煮得好腍，加埋上面有芝士焗蘑菇，味道更加香口同豐富，不知不覺已經好快清晒，而意大利飯煮嘅時間啱啱好，有咬口得黎又唔會太硬，加上份量預得唔錯，一個人已經夠晒食最後仲有甜品焗南
今日同老婆做完產檢之後，就同佢嚟到九龍塘食呢一間餐廳，因為之前食過呢度嘅下午茶抵食之餘又好味，性價比非常之高，於是今晚再嚟試吓佢嘅晚餐
估唔到晚餐都一樣有好多選擇，除咗餐牌上面可以散叫之外，仲有精選套餐，包左餐湯、餐飲同甜品，價錢唔算太貴，最貴嘅餐加埋一都係$200左右，所以我哋唔考慮太多每人叫咗一個套餐
一點完餐等咗大約幾分鐘餐湯就送到，我就要咗羅宋湯，嚟到嘅時候見到好足料，有好多唔同嘅蔬菜，味道唔算太辣，蕃茄味幾突出，蔬菜煲到好腍，好明顯煲咗好耐，夠晒火候
另外仲有蒜蓉包食，雖然上面嘅蒜蓉牛油唔算太多，不過真係焗得好脆，而且每人仲有兩塊添
之後老婆點嘅主菜首先送到，係帶子牛柳串燒配賓尼士汁菠菜麵，冇諗過串燒會咁大串，而且牛柳同帶子份量都唔少，切落去牛柳冇晒血水，食既時候又唔韌，肉味幾濃，而帶子同菠菜麵亦都好彈牙，配埋呢個賓尼士汁酸酸地幾開胃
至於我就要咗芝士焗蘑菇釀黑豚梅扒配意大利飯，豬梅扒真係煮得好腍，加埋上面有芝士焗蘑菇，味道更加香口同豐富，不知不覺已經好快清晒，而意大利飯煮嘅時間啱啱好，有咬口得黎又唔會太硬，加上份量預得唔錯，一個人已經夠晒食
最後仲有甜品焗南瓜布甸伴吉士薑汁，冇諗過呢啲食材可以配搭埋一齊，食物又幾夾，每一啖都食到南瓜嘅香味同薑汁嘅微辣，感覺真係好特別，本來食完主菜已經好飽，但係食埋呢個甜品都唔會覺得太滯
埋單加埋一每人都係百幾蚊，希望呢一種餐廳可以繼續做落去，研發多啲特色菜式
張貼
