禮記 (已結業)

將軍澳海旁果邊開左好多新餐廳，都未有機會試得晒。今次朋友話想食中菜，就同佢去左呢間禮記。餐廳都幾乾淨舒適，今次我地就叫左壺✨瑰荔堂皇，亦即係玫瑰荔枝花茶，飲落有清甜嘅花香，非常推薦❤️✨椒鹽脆豆腐（$88）平時我唔太鍾意食豆腐，椒鹽豆腐係少數我會食嘅豆腐菜式。呢度嘅椒鹽豆腐整得非常唔錯，外層嘅脆皮唔會太厚，食落非常香口，真正做到外脆到內軟。✨懷舊鳳梨咕嚕肉（$128）咕嚕肉係平既叫餸食飯經常會點嘅，因為酸酸甜甜咁非常適合送飯😋呢度嘅咕嚕肉水準都唔錯，勝在新鮮炸起，熱辣辣咁幾好味。✨辣炒萵筍絲（$98）萵筍絲炒得非常有鍋氣，口感清爽，食落味道酸酸辣辣咁，非常開胃。✨銀芽肉絲脆麵（$198）作為餐廳嘅招牌菜，呢道銀芽肉絲脆麵相當有睇頭🤣就咁睇好似一對隱形嘅手夾起左啲麵咁。廚師首先將自家製嘅蛋麵炸脆，再淋上醬汁，食落保留到果種脆卟卟嘅口感，但就相對比較熱氣。