十字冰室 (恆陞大樓)

營業中

休息中

西營盤現在食肆林立，但多數是西餐廳，難得見到一間冰室，便走進去試試。如冰室名字，所有奶製品都是用十字牌鮮奶烹調，頗有特色。皇牌常餐（牛油多士、黑松露炒蛋、牛尾湯通粉、芒果奶）多士香脆。炒蛋香滑而且好香黑松露味。牛尾好大嚿，夠晒淋，湯底香濃。芒果奶不像其他食肆用新鮮芒果加奶打成，似原樽口味。雖然個餐要成六七十元算幾貴，但有黑松露和大嚿牛尾，而且好食，都可接受。十字奶芝士焗海鮮飯+熱檸檬茶焗飯份量比較細，而且冇乜味，芝士味更加欠奉，海鮮料則是一般的雪藏魚塊、蜆肉等。欣賞白糖的包裝，是自家製packing。