盈翠軒 (裝修中)

同朋友想食中菜，就尼到中港城ge 呢一間試一試。叫左個二人餐冰梅涼瓜拼蟲草花 - 好特別的前菜，蟲草花係炸過，好特別但又好好食，食下食下就食左好多，而涼瓜係好爽脆加左梅汁酸酸地好開胃。煎元貝鵝肝醬窩粑 - 一人一碟唔洗爭，賣相精美 元貝煎得好香又大隻，一啖食哂個種滿足感真係好不得了。窩粑炸到香脆，推介。姬松茸燉螺頭湯 - 好足料，個湯好濃好好飲，唔係咪精湯呢嫁，用料姬松茸螺頭、豬肉粒。燒汁安格斯粒 - 係用安格斯牛肉，連菇粒同雜椒炒，好惹味。鮮魚湯野菌浸白菜 - 精髓在於個魚湯！沒有味精的， 白菜加魚湯一齊食，份外好食。木瓜奶涷 - 好特別的甜品，賣相已經加唔少分，味道清新，感覺食左生果唔係食甜品，比較健康。紅米珍珠雞- 份量唔大，但因為係最尾一個菜所以其實都飽，有紅米，菇，肉碎好好食。