樂天經典 (已結業)

又係兩個人撐枱腳既時間，朋友仔搵左呢間樂天，可以一路食，一路慢慢傾。好，坐底睇下有咩好食先。酸辣素羹，個碗好靚呀，湯羹都好足料，酸酸辣辣好開胃。菜香鐵板豆腐，望落去係豆腐，表面煎香左個皮，食落係豆腐既質感，但係蛋既味道，好濃郁既蛋香味，配埋菜心肉碎特製醬，必食！沙拉排骨，炸得香脆既外皮，咬落啖啖肉，加上沙拉醬，正！三杯鴕鳥肉煲，個煲好香，香葉同炸過既薑絲令個味道好有層次，鴕鳥肉夠入味。漁香茄子煲，茄子顏色光澤，食落唔會太腍，醬汁稀稠適中，拌飯一流。椰子西米露湯圓，椰汁香滑，湯圓係我最愛既芝麻湯圓，緊係要食個糖水做完美句號啦。