影片
更多
2018-07-05
45 瀏覽
今日星期五約左朋友夜晚去蘭桂坊飲野就諗住早d出黎食埋dinner，咁我地沿住皇后大道中行就咁岩係一條小行見到呢間餐廳個招牌，就上左去試下。餐廳就係一樓，搭電梯一上就見到。餐廳以藍白色為主，裝飾都幾靚。呢間餐廳有好多唔同既set，咁我地就叫左兩個set。佢每個set都包左唔同既前菜，主菜同甜品，一個set一定夠哂飽。首先黎既係煎鵝肝配日式蘿蔔同菠蘿，呢個配搭好神奇但又入口又幾好味。之後就係鮮八爪魚配牛油果蕃茄醬同紅菜頭醃三文魚配芥末蟹籽沙律，個人本身唔太鐘意紅菜頭但加埋沙律同三文魚又會易d入口。跟住就上左龍蝦湯，湯同平時唔一樣佢唔係用碗裝，佢係用杯仔裝住，而龍蝦湯都唔會太稀。再黎就係白松露醬北海道帶子配波蘭汁同凍虎蝦牛油果配白松露橘子汁。兩個菜既海鮮都好新鮮配埋特色既汁就更好味。再之後就有法式焗田螺配日式芥末薯蓉同芝士辣根黑松露焗帶子。田螺有埋個夾就唔洗擔心整污糟手，而個帶子個芝士味都好重。成餐飯只係前菜已經食左好多樣，然後服務員就攞左兩個雪葩比我地，初頭以為係比錯左，但原來係專登用雪葩隔一隔開前菜同主菜，同個酸味可以隔一隔感覺好似冇咁濟。到主菜我地揀左香草焗羊架配松露甜薯同味噌燒鱈魚配
餐廳就係一樓，搭電梯一上就見到。餐廳以藍白色為主，裝飾都幾靚。
呢間餐廳有好多唔同既set，咁我地就叫左兩個set。佢每個set都包左唔同既前菜，主菜同甜品，一個set一定夠哂飽。首先黎既係煎鵝肝配日式蘿蔔同菠蘿，呢個配搭好神奇但又入口又幾好味。
之後就係鮮八爪魚配牛油果蕃茄醬同紅菜頭醃三文魚配芥末蟹籽沙律，個人本身唔太鐘意紅菜頭但加埋沙律同三文魚又會易d入口。
跟住就上左龍蝦湯，湯同平時唔一樣佢唔係用碗裝，佢係用杯仔裝住，而龍蝦湯都唔會太稀。
再黎就係白松露醬北海道帶子配波蘭汁同凍虎蝦牛油果配白松露橘子汁。兩個菜既海鮮都好新鮮配埋特色既汁就更好味。
再之後就有法式焗田螺配日式芥末薯蓉同芝士辣根黑松露焗帶子。
田螺有埋個夾就唔洗擔心整污糟手，而個帶子個芝士味都好重。成餐飯只係前菜已經食左好多樣，然後服務員就攞左兩個雪葩比我地，初頭以為係比錯左，但原來係專登用雪葩隔一隔開前菜同主菜，同個酸味可以隔一隔感覺好似冇咁濟。
到主菜我地揀左香草焗羊架配松露甜薯同味噌燒鱈魚配蘑菇意大利飯。羊架個騷味唔太重本身唔太食羊都接受到，而個意大利飯魚同飯比例係一比一都真係足哂料，而且雖然唔太大份，但之前食左好多前菜呢個份量就岩岩夠唔會浪費。
最後仲有一個甜品拼盤，好似每日既甜品都唔一樣，今次我地就有綠茶muse，檸檬cheesecake同焦糖配切片梨，三樣既味都好重又唔會太甜真係好好食。
呢間餐廳雖然每樣食物唔係好大份量但每個set都可以試到好多唔同食物，每樣食物既質素都好高，平時係中環附近都可以上去試下👍🏻
張貼
