江戶壽司秀 (民泰街) (已結業)

朋友知我住紅磡，又知我鍾意食日本嘢，就約咗我去「江戶壽司秀」，佢哋最近重金禮聘本地日本料理界具江湖地位嘅劉晉維師傅加盟， 以親民的價錢，就食到維師傅精緻的OMAKASE料理。青檸柚子伴鮫鰈魚薄薄一片，灑上青檸汁及岩鹽，再加上橄欖油，最後加上菊花點綴，味道清新，肉質爽口。酸醋啫喱三文魚籽伴米崎蠔蠔肉入口鮮甜，加上做成啫喱的酸醋， 然後放上少許三文魚籽，配搭新鮮有層次。野生鰤魚刺身鰤魚即切即吃，油脂甘香，入口即溶簡單搭配豉油和芥末。黑松露醬拌角螺角螺肉質爽彈，再加入岩鹽、黑松露醬和橄欖油調味， 味道獨特，令人難忘。炸京蔥絲紫蘇鯖魚鯖魚肉質緊實，魚味濃，配以炸京蔥絲、紫蘇葉碎及菊花，口味及色調配搭特別。蘋果木煙薰火灸赤鯥先灸燒，再用蘋果木煙熏約1分鐘，配京蔥絲和生薑花，赤鯥油脂豐富，入口即溶，美味又可打卡。秘製醬汁配酒蒸蝦夷鮑魚鮑魚彈牙，味道濃郁， 獨門醬汁好幼滑，底部配了一口醋飯， 混埋一齊食，特別享受。火灸左口魚裙邊壽司巨型左口魚，入口即融，用紫菜包著， 加入埋飯及蔥，由師父親自送上 ，特別美味 。