夢工房西日料理 (已結業)

最近同啲朋友經過葵芳，見到夢工房又有新嘢推介，就喺磯燒放題兩小時任飲任食，如果平日星期一至四入去都係$178,見到價錢相宜就入去試下。首次，會食左個海鮮拼盤先，真係好抵食，啲海鮮好足料，而且仲好新鮮，有蟹、生蠔、扇貝，蜆等。不但鮮味濃郁，而且仲大大件，一試難忘！另外，仲有鹽燒海蝦，每隻蝦都超大隻，潤紅色嘅外表，裡面肥大肉厚，入口滲出海鮮嘅鮮蝦味，我地食完又再落單添！呢樣係羊架，味道唔腥，而且煮得好淋，所以咬落唔會好煙韌，加上一啲秘製嘅醬汁做配搭，味道不錯。壽司方面，呢到啲嚋司後心製作，賣相亦相當吸睛，就好似火焰蟹棒壽司，有濃郁嘅芝士味道，而蟹棒亦鮮甜，火熖左口魚邊壽司，魚嘅味道唔腥，而且飯唔會太多，所以唔會好濟住個肚。仲有火焰芝士蝦反卷，外軟內脆，咬落滲出芝士蝦嘅味道，好正呀！最後，啲刺身都好足料又非常新鮮，三文魚厚切，而甜蝦更係原隻，仲有甜蛋等。外型賣相美觀之餘又可以俾食客食得津津有味！