牛県

營業中

休息中

荃灣最近開咗間《牛県》食石燒牛扒。本身勁鍾意食牛排，所以就入去試吓。我揀左today's special - 嫩滑腹心肉，而朋友就揀左牛側腹扒，套餐仲可以加30蚊，加配飯，湯，沙津，薯條，飲品，我地就揀左可樂，飯，薯條＆牛肉清湯啦！餐廳仲有自助區，有水，茄汁同埋岩鹽可以提供。首先就係薯條上枱，係粗薯條嚟嘅，啱啱炸起，外脆內軟，作為飯前小食一流。另外牛肉清湯都幾好飲，食完牛扒再飲就剛剛好可以清膩啦！牛排終於上枱，職員話廚師只係煎到一成熟，我地可以切開小件，跟住慢慢將牛扒用石燒板煎到自己想要嘅生熟程度，首先試下我地腹心肉先，職員話腹心肉係近膊頭位附近嘅肉，所以好嫩好好味，一試，好香牛味，好juicy，仲真係好嫩，而朋友嘅牛側腹，比腹心肉更重牛味，但都好juicy，都真係唔差，仲有要介紹下個飯，白飯面有紫菜同芝麻碎，食入口非常香，配埋牛肉一齊食，超美味。