茶墨 (已結業)

之前行過The One見到呢間飲品店，知道佢係賣台式飲品，但估唔到The one呢間連蛋糕都有賣。店舖以簡潔為主，乾淨企理。甜品櫃款式都幾多，除左有一般蛋糕，芝士蛋糕等，仲有蒙布朗。另一邊仲有雪糕櫃，原來係賣低脂意大利Gelato雪糕，味道都好多。落完單，店員俾左個牌我地到左就會響，唔驚聽唔到或左錯過左叫號碼。水墨風咁特別，就叫左麻糬芋泥茉莉鮮奶綠，同一件日式奶茶蛋糕外賣。外賣包得好企理，係包裝上花左唔少心思。🔸麻糬芋泥茉莉鮮奶綠 $39整體味道唔會太甜(無叫到少甜)，芋泥份量剛好，唔會過多變左食芋泥，最有驚喜係麻糬！非常軟糯，甜滋滋。🔸日式奶茶蛋糕奶茶味道唔太突出，但蛋糕鬆軟，配住麻糬芋泥茉莉鮮奶綠岩岩好。店舖有坐位，可以一邊坐係度等人一邊慢慢嘆。