古今二 (荃新天地)

營業中

休息中

睇完戲時間尚早，搵左間日式餐廳食少少野，之前食過荃灣個間覺得唔錯既。今次點左彩虹卷，大將軍，日式麻醬秋葵豆腐沙律，同埋雜錦天婦羅，兩個人分享。彩虹卷長長既卷物，有三款刺身配牛油果，包住蟹柳同青瓜，有8舊咁多，刺身都夠新鮮大將軍朋友唔食生野，想食個簡單啲就簡左呢個，純粹過下食壽司癮日式麻醬秋葵豆腐沙律呢個係一氣之選，大大份，啲麻醬好夠，豆腐好滑，一齊食夠晒fresh雜錦天婦羅有三蝦，三秋葵，三甜薯，蝦粉漿唔會好厚，食到蝦肉鮮味，秋葵外脆內軟，趁熱食岩晒，個甜薯好軟滑，唔錯。總括黎講不錯，但因為朋友唔食生野，今次沒有點太多特式壽司，下次再試特式壽司。