拾伍 (已結業)

今次發掘呢間一共有四層既特式咖啡店，黎呢啲打卡Cafe一定要同朋友黎👭🏼🤳🤣🤣🤣宮崎南蠻炸雞 · 弁當🐓🍱💰88用左日式和風布包住便當，打開係個木製既便當盒，好精緻☺。飯糰🍙有兩款口味，三文魚同醬汁原味。飯感唔會一夾就散，配沙律醬好夾。炸雞酥脆入味，南蠻醬混左啲洋蔥粒，口感豐富，開胃惹味。溏心蛋🥚，蛋白軟滑，蛋黃半熟而且蛋黃味濃郁。配菜仲有青瓜🥒同芽菜，爽口、辣辣地，可以中和一下油膩感。稻庭風輕食🥢💰78烏冬佈滿三文魚籽，賣相十分吸引。呢款係凍食😈，烏冬煙韌彈牙，麵質滑溜，加入麻醬，好開胃。不過麻醬既量可以多番啲，會更香更滋味。配菜仲有蟹柳絲同埋沙律菜，飽肚感十足。玫瑰伯爵茶⚘💰58玫瑰花甜味香濃，伯爵茶甘香，味道留係舌尖上，久久不散，層次感豐富。🙋🏻‍♀️重點有飬顏作用。金絲黃菊雪梨茶🌼💰88我地將每樣材料放入一半，泡8-10分鐘。芳香既黃菊雪梨，配上杞子淡淡清甜，飲落喉嚨好舒服。記得落埋另外一半材料再泡第二轉🤪。💬地下、二樓同天台都有座位，一樓就賣衫，食完野可以去行下。座位較少，記得要訂位唔好摸門釘。💬食物屬於輕小食，對女仔黎講都夠飽肚。選擇唔多，晏就4點已經有幾款售罄。