古今二 (荃灣千色匯I) (已結業)

呢間餐廳我已經來過一次，今次係第二次。首先點個龍卷風沙律，呢個沙律好好食又開胃，有多款蔬菜、中華沙律、仲有滿滿既蟹柳絲、加上沙律醬，有爽口既蔬菜和軟身既蟹柳絲，口感層次好豐富。醬油烏冬：烏冬質感彈牙，唔錯。古今卷物盛：有加州卷、鰻魚牛油果卷、費城卷，仲有一個由蟹柳絲組成既火山，擺碟好吸引，各款卷物味道都唔錯。網燒牛舌：入口肉質柔軟有嚼勁，肉味濃郁。呢間餐廳有好多特式卷物選擇，除左卷物外，仲有好多款其他既食物選擇，總有一款岩自己。