興記豬什專門店

牛雜食得多，豬雜反而好少食～今次經過長沙灣就去呢一間豬什專門店試一試，叫咗碗王牌嘅豬什河粉

超大一碗，可以點清湯或者胡椒湯，我就點咗胡椒湯，非常輕微嘅胡椒味～我自己一個真係食唔晒，豬什都好大一碗！豬潤係大家最熟悉嘅，好大塊同好厚咁！我自己比較鍾意食黃喉，都幾特別！另外有蝴蝶腩，第一次食，同牛腩又冇咩太大分別！

另外叫咗炒豬潤，蔥薑爆得都幾香，

我自己唔係食好鹹，所以叫廚房減鹹，就啱啱好，佢哋嘅豬潤都比較大塊同厚！