Papaya Pok! Pok! (已結業)

今日終於可以唔使再食Pepper Lunch。由於係尖沙咀返工，附近已經有好多好好味韓國餐廳，所以都唔會考慮韓國屋。台灣嘢小台北不嬲都覺得麻麻，又見有間泰國嘢新開(其實都唔知係咪泰國嘢)，就試下喇。趕住睇戲都要食Food Court 架喇。其實呢間似走東南亞路線多過泰國菜。由於有新加坡雞飯既源故，一於試下佢喇。味道不錯，雞幾滑，但雞味欠奉。特別值得一讚係三色醬，完全有新加坡味道，加分不少。雞湯就普普通通，唔夠熱，但還可以喇。我還叫了小食炸蝦餅，十分十分彈牙，有蝦味，甚至比雞飯還出色，推介!整體黎講$58係度食到呢個雞飯都好滿足喇。拿拿臨食完就睇戲喇！