影片
更多
2024-08-11
80 瀏覽
French，從來都係我最愛嘅cuisine，沒有之一。位於上環嘅”Nissa la Bella”，係一間法式小酒館。同一般香港法式餐廳唔同，佢嘅菜式係做得相當authentic。調返轉講，可能係一啲比較罕見嘅菜式，實在值得我哋多發掘。Nissa la Bella嘅環境本來就已經非常有氣氛，暗暗地，甚至比法國本土嘅小酒館更高級。周圍貼咗唔同嘅法國相片，而且是由外國人做侍應。我哋一共叫咗5個course share食:日本真姫蘑菇撻盒配沙律菜 $128先唔講佢嘅菇味非常突出，淨係倒忌廉落去嗰下已經夠晒儀式感。實際上忌廉係可以大幅襯托佢嘅蘑菇味，加上本來甜甜地嘅酥皮，層次係豐富嘅。菊苣沙律 (配核桃、藍芝士) $128咩係菊苣？就係呢個羽毛狀嘅葉，做到成個花咁嘅形狀嘅草本植物。食落唔覺有苦味，最特別係配以核桃、車厘茄和藍芝士之後，味道變得異常豐富，特別係藍芝士，表現極之出色。尼斯洋蔥鯷魚橄欖薄餅 $128又一個表面上配搭奇怪嘅菜式。其實洋蔥只係提供甜味，加上鹹鹹嘅鯷魚 (作用類似西班牙銀魚柳) 同橄欖味，加起上嚟味道又係豐富無比。個人很鐘意呢類型味道嘅配合。法式燴羊肉，配時令蔬菜 $318
位於上環嘅”Nissa la Bella”，係一間法式小酒館。同一般香港法式餐廳唔同，佢嘅菜式係做得相當authentic。調返轉講，可能係一啲比較罕見嘅菜式，實在值得我哋多發掘。
Nissa la Bella嘅環境本來就已經非常有氣氛，暗暗地，甚至比法國本土嘅小酒館更高級。周圍貼咗唔同嘅法國相片，而且是由外國人做侍應。我哋一共叫咗5個course share食:
日本真姫蘑菇撻盒配沙律菜 $128
先唔講佢嘅菇味非常突出，淨係倒忌廉落去嗰下已經夠晒儀式感。實際上忌廉係可以大幅襯托佢嘅蘑菇味，加上本來甜甜地嘅酥皮，層次係豐富嘅。
菊苣沙律 (配核桃、藍芝士) $128
咩係菊苣？就係呢個羽毛狀嘅葉，做到成個花咁嘅形狀嘅草本植物。食落唔覺有苦味，最特別係配以核桃、車厘茄和藍芝士之後，味道變得異常豐富，特別係藍芝士，表現極之出色。
尼斯洋蔥鯷魚橄欖薄餅 $128
又一個表面上配搭奇怪嘅菜式。其實洋蔥只係提供甜味，加上鹹鹹嘅鯷魚 (作用類似西班牙銀魚柳) 同橄欖味，加起上嚟味道又係豐富無比。個人很鐘意呢類型味道嘅配合。
法式燴羊肉，配時令蔬菜 $318
真係唔使多介紹，佢個羊味多到瀉。無論係鍋入邊嘅羊肉汁，羊肉本身，同其他蔬菜，都沾滿晒羊肉嘅味道。羊肉炆得非常腍，連薯仔都係。
杏脯撻配開心果雪葩 $128
法國菜當然要有甜品。用apricot造成嘅撻，已經係酸甜兼備，但甜度上再加埋開心果雪葩，就令甜品更上一層樓。
現場氣氛浪漫，寧靜優雅。今晚嘅食客，全部都着得好四正 (當然包括full suit嘅我😂)。法國菜，就係優雅啲。
張貼
