影片
更多
2019-11-20
2249 瀏覽
話說呢間蜀客係K11Musea 4/F樓戲院旁邊，開左大概個零月，有日睇完戲午餐時間諗都冇諗，餐牌都冇睇就衝左入去諗住試吓，坐低揭開餐牌一睇個價錢，又幾高級嫁喎....一啲都唔平民咁就隨便叫咗三個菜式試吓。然後又咁橋呢三個餸同餐牌個樣都幾圖文不符嫁喎.....環境係好優雅舒服，好闊落，話就話望海，但我唔覺佢有擺人係窗邊坐，都坐哂係無景個邊...雖然係午餐時間，但都冇咩人。首先呢個蒜泥白肉配涼麵，同餐牌個樣大致相同，係啲麵少咗大半囉......味道好食既，個辣醬唔會太辣，辣得有層次，白肉裏面嘅青瓜變咗沙律菜，但我都係比較喜歡青瓜。然後呢個四川口水雞同餐牌個樣都幾唔同，辣汁/醬個樣唔同，份量又唔同，比起餐牌佢少咗一半！！得面個啲係雞，裡面墊左好多大葱......味道都可以，呢個比較辣。最後呢個怪味鵝肝，首先平心而論個味道，鵝肝係煎得好嘅，唔會煎到油淋淋，夠乾身，辣醬味道好有層次，由甜甜地到辣辣哋，不過我覺得佢同舊鵝肝冇乜關係咁，放埋一齊其實一啲火花都冇。然後睇到個餐牌，佢似係應該煙燻住黎再係你面前揭開，原來係無既！！勁失望左！！有被騙嘅感覺.....總括而言，雖然食物質素唔算差，但呢個價錢
咁就隨便叫咗三個菜式試吓。然後又咁橋呢三個餸同餐牌個樣都幾圖文不符嫁喎.....
環境係好優雅舒服，好闊落，話就話望海，但我唔覺佢有擺人係窗邊坐，都坐哂係無景個邊...雖然係午餐時間，但都冇咩人。
首先呢個蒜泥白肉配涼麵，同餐牌個樣大致相同，係啲麵少咗大半囉......味道好食既，個辣醬唔會太辣，辣得有層次，白肉裏面嘅青瓜變咗沙律菜，但我都係比較喜歡青瓜。
蒜泥白肉配涼麵
$108
116 瀏覽
0 讚好
0 留言
然後呢個四川口水雞同餐牌個樣都幾唔同，辣汁/醬個樣唔同，份量又唔同，比起餐牌佢少咗一半！！得面個啲係雞，裡面墊左好多大葱......味道都可以，呢個比較辣。
四川口水雞
$128
94 瀏覽
0 讚好
0 留言
最後呢個怪味鵝肝，首先平心而論個味道，鵝肝係煎得好嘅，唔會煎到油淋淋，夠乾身，辣醬味道好有層次，由甜甜地到辣辣哋，不過我覺得佢同舊鵝肝冇乜關係咁，放埋一齊其實一啲火花都冇。
然後睇到個餐牌，佢似係應該煙燻住黎再係你面前揭開，原來係無既！！勁失望左！！有被騙嘅感覺.....
怪味鵝肝
$168
213 瀏覽
0 讚好
0 留言
總括而言，雖然食物質素唔算差，但呢個價錢呢個份量，食物質素又冇驚喜，係太高級既！本來仲收我碟前菜費$40，但我見都無見過個碟前菜呀🤷🏻♀️好彩有睇單咋！食物又同餐牌嘅相片圖文不符，令人失望左....你一係唔好俾相我睇反而我無期望。好貴又食唔飽既餐廳....
張貼
